India Distorted Map : जम्मू-काश्मीर आणि ईशान्य भारत यांना अनुक्रमे पाक अन् चीन यांचा भाग दर्शवला !

(वरील चित्र प्रसिद्ध करण्यामागे कुणाच्याही राष्ट्रीय भावना दुखावण्याचा हेतू नाही. केवळ माहितीसाठी हे चित्र प्रसिद्ध केले आहे. – संपादक)

काठमांडू (नेपाळ) – नेपाळमध्ये बालेन शाह यांचे सरकार स्थापन झाल्यानंतर भारतविरोधी घटना समोर येत आहेत. ‘नेपाळ एअरलाईन्स’ या नेपाळच्या राष्ट्रीय विमान आस्थापनाने नुकताच एक नकाशा प्रसिद्ध केला. त्यात संपूर्ण जम्मू-काश्मीरला पाकिस्तानात, तर संपूर्ण ईशान्य भारत चीनमध्ये दाखवण्यात आले. जगात स्वत:च्या विमानसेवेचे जाळे किती विस्तारलेले आहे, हे दाखवण्याच्या धडपडीत त्यांनी हे भारतद्वेष्टे कृत्य केले. यास राष्ट्रप्रेमींनी प्रखर विरोध दर्शवला. विरोधाची तीव्रता पाहून शेवटी ‘नेपाळ एअरलाईन्स’ने याविषयी स्पष्टीकरण देत चूक असल्याचे मान्य केले असून क्षमायाचना केली आहे.

Nepal Airlines Sparks Outrage with Distorted Map 🚨

Nepal’s national carrier, @NepalAirlinesRA, faces backlash after releasing a map showing parts of India under Pakistan & China

Jammu & Kashmir marked as Pakistan, Northeast as China – blatant misrepresentation.

After strong… pic.twitter.com/CUa8xlqXM1

— Sanatan Prabhat (@SanatanPrabhat) April 30, 2026

२९ एप्रिलला नेपाळचे राष्ट्रीय विमान सेवा आस्थापन असलेल्या ‘नेपाळ एअरलाईन्स’ने त्याच्या अधिकृत ‘एक्स’ खात्यावर जगाचा एक नकाशा प्रसारित केला. त्यात त्याने वरीलप्रमाणे भारतीय प्रदेशाचा मोठा भाग चीन आणि पाकिस्तान यांच्या भूभागात दर्शवला होता. त्याला मोठ्या प्रमाणात विरोध झाला. #NepalAirlines आणि #JammuKashmir असे ‘हॅशटॅग’ वापरून सहस्रो राष्ट्रप्रेमींनी नेपाळवर मोठ्या प्रमाणात टीका केली. त्यांनी या घटनेला ‘भारतविरोधी’, ‘जाणीवपूर्वक केलेली गैरवर्तणूक’ अथवा ‘भारताला चिथावणी’ असे संबोधले.