सनातन प्रभात > Post Type > बातम्या > राष्ट्रीय बातम्या > ‘Tata Ethical Fund’ : शरियाला अनुसरून आता हलाल प्रमाणित ‘टाटा एथिकल फंड’ची योजना आली समोर !

‘Tata Ethical Fund’ : शरियाला अनुसरून आता हलाल प्रमाणित ‘टाटा एथिकल फंड’ची योजना आली समोर !

  • हिंदूबहुल भारतात प्रथितयश आस्थापनाकडून मुसलमानांच्या लांगूलचालनाचा प्रयत्न !

  • ३० वर्षांपासून चालू आहे योजना !

नवी देहली – नाशिकमधील ‘टाटा कन्सल्टन्सी सर्व्हिसेस’मध्ये घडलेल्या घृणास्पद प्रकारातून ‘कॉर्पोरेट जिहाद’चा विकृत चेहरा जगासमोर आला. आता याच टाटा आस्थापनाची ‘टाटा एथिकल फंड’ ही ‘म्युच्युअल फंड’ प्रकारातील गुंतवणूक योजना शरिया कायद्याचे पालन करत असल्याचे, म्हणजे हलाल प्रमाणित असल्याचे समोर आले आहे. सामाजिक माध्यमांत यावर चर्चा चालू झाली आहे. ही योजना हिंदूंच्या माथ्यावरही मारली जात असल्यामुळे हिंदूंमध्ये संतापाची लाट उसळली आहे.

‘टाटा एथिकल फंड’ शरियाला अनुसरून कशी ?, हे जाणून घ्या !

‘टाटा म्युच्युअल फंड’च्या संकेतस्थळावर ‘टाटा एथिकल फंड’च्या सर्व सुविधांची माहिती स्पष्ट करण्यात आली आहे. त्यात लिहिले आहे की,
१. इस्लामनुसार मद्य, तंबाखू, जुगार अथवा व्याजदरावर आधारित कर्ज, अशा गुंतवणूकीच्या साधनांमध्ये पैशांची गुंतवणूक करण्यास हराम (इस्लामविरोधी) मानण्यात आले आहे. ‘टाटा एथिकल फंड’ या गोष्टींमध्ये पैसे गुंतवत नाही. ‘टाटा एथिकल फंड’ ही योजना हिंदूंसाठीसुद्धा आहे.
२. ‘टाटा एथिकल फंड’ हे आस्थापन माहिती तंत्रज्ञान, औषध व्यवसाय (फार्मा) आणि बांधकाम व्यवसाय यांत पैसा गुंतवते. ‘या माध्यमातून तुमचा पैसा हलाल प्रमाणित बनतो’, अशी ग्वाहीसुद्धा ‘टाटा’ने दिली आहे.

शरियानुसार अशा प्रकारच्या गुंतवणुकीच्या योजना टाटा आस्थापनाखेरीज ‘टॉरस म्युच्युअल फंड’, ‘निप्पॉन इंडिया’, ‘क्वांटम एथिकल फंड’ आदी आस्थापनेही राबवत आहेत.

आकडेवारीतून समजून घ्या ‘टाटा एथिकल फंड’ या भयावह षड्यंत्राचे वास्तव !

१. भारतातील शरियानुसार चालणारी सर्वांत मोठी ‘म्युच्युअल फंड’ योजना

२. वर्ष १९९६ मध्ये झाला प्रारंभ

३. ३ सहस्र ७३९ कोटी रुपयांची गुंतवणूक (१९ एप्रिल २०२६ पर्यंत)

४. २५ टक्के रकमेची (‘फंड’ची) माहिती तंत्रज्ञान आस्थापनांत गुंतवणूक

५. ‘टाटा एथिकल फंड’चा सर्वाधिक वापर करणारी पहिली ५ आस्थापने – इन्फोसिस (८ टक्के), टाटा कन्सल्टन्सी सर्व्हिसेस (५.४१ टक्के), टेक महिंद्रा (३.६१ टक्के), हिन्दुस्तान युनिलिव्हर (३.४५ टक्के) आणि जिंदाल स्टील (२.९५ टक्के)

६. विशेष म्हणजे भारतातील प्रथितयश ‘आयआयटी’ आणि ‘आयआयएम्’ येथे शिक्षण घेतलेले अभिनव शर्मा नावाचे हिंदु अधिकारी या फंडचे व्यवस्थापन बघतात. अशा ‘सेक्युलर’ हिंदूंना या गोष्टींचे कोणतेच सुवेरसूतक नसते, हे लक्षात घेण्यासारखे आहे.

वाचा संपादकीय → इस्लामी ‘टाटा’चा राष्ट्रद्रोह ?

या योजनेला भारतियांनी विरोध कसा करावा ?

१. सरकारने आस्थापनावर कारवाई करण्यासाठी भारतियांनी सरकारवर दबाव आणला पाहिजे.

२. टाटा आस्थापनाने ही योजना मागे घेतली नाही, तर भारतियांनी त्याचे समभाग (शेअर) विकून त्याची माहिती सामाजिक माध्यमांद्वारे जगासमोर आणली पाहिजे. आर्थिक नाड्या आवळल्यानेच हे ‘कॉर्पोरेट जिहादी’ ताळ्यावर येतात, हे विसरता कामा नये.

३. ‘टाटा म्युच्युअल फंड’कडे वैध मार्गाने निषेध नोंदवण्यासाठी संपर्क :(०२२) ६२८२ ७७७७, (०२२) ६६५७ ८२८२  (सोमवार ते शनिवार सकाळी ९ ते सायंकाळी ५.३०)

टोल फ्री क्रमांक : १८०० २२० १०१

ई-मेल : [email protected]

म्युच्युअल फंड म्हणजे काय ?

ही अशी गुंतवणूक पद्धत आहे, ज्यात निधी व्यवस्थापन आस्थापनाकडून (‘असेट मॅनेजमेंट कंपनी’कडून) जनतेला पैसे गुंतवण्याचे आवाहन केले जाते. या आस्थापनाकडे जनतेकडून पैसे आल्यावर तो निधी अन्य आस्थापनांचे समभाग, बाँड आदींमध्ये गुंतवला जातो. यास ‘इक्विटी फंड’ म्हटले जाते. याखेरीज ‘डेट फंड’मध्येसुद्धा निधी गुंतवता येतो. यांतर्गत सरकार अथवा मोठी बांधकाम आस्थापने यांना हा निधी विविध बांधकाम, रस्तेबांधणी यांसारख्या योजनांमध्ये वापरण्यासाठी पुरवला जातो. ‘टाटा एथिकल फंड’चा विचार करता इस्लामला निषिद्ध असलेल्या मद्य, तंबाखू, जुगार अथवा व्याजदरावर आधारित कर्ज, यांमध्ये हा निधी गुंतवला जात नाही.

संपादकीय भूमिका

  • नाशिकमधील ‘टाटा कन्सलटन्सी सर्व्हिसेस’मध्ये हिंदूंच्या धर्मांतराचे षड्यंत्र रचल्याचे समोर आले. आता हेच प्रथितयश आस्थापन हिंदूबहुल देशात इस्लामपुरस्कृत गुंतवणूक पद्धतींचा अंगीकार करत असल्याचे समोर आले आहे. अशा पद्धतींना आळा घालण्यासाठी आता हिंदूंनी संघटितपणे सरकारवर दबाव आणून अशा योजनांवर पायबंद आणला पाहिजे !
  • हिंदूबहुल भारतात हलाल प्रमाणित गुंतवणूक योजनांचे कामच काय ? असे व्हायला भारत इस्लामी देश आहे का ? अशा योजनांना कोणतेच स्थान न देणारे हिंदु राष्ट्र यासाठी अत्यावश्यक !

नूतन लेख