सनातन प्रभात > Post Type > बातम्या > राष्ट्रीय बातम्या > JeM Terrorist Arrested : गुजरातमध्ये जैश-ए-महंमदशी संबंधित ५ आतंकवाद्यांना अटक

JeM Terrorist Arrested : गुजरातमध्ये जैश-ए-महंमदशी संबंधित ५ आतंकवाद्यांना अटक

पाटन (गुजरात) – गुजरात आतंकवादविरोधी पथकाने जैश-ए-महंमद या आतंकवादी संघटनेशी संबंधित ५ आतंकवाद्यांना पाटन जिल्ह्यातील सिद्धपूर तालुक्यातील खाडियाल गावातून अटक करण्यात आली. बिलाल आबिदभाई शेरा, महंमद अयुब कादीवाला, महंमद पालनपुरी उपाख्य खाली अयुब सुनसारा, शफिया रईस मुख्ती आणि महंमद हसन कार्डिया अशी त्यांची नावे आहेत. यापूर्वी ३ जुलै या दिवशी या संघटनेशी संबंधित ८ संशयितांना पकडण्यात आले होते. त्यांच्या चौकशीनंतर या नावांचा खुलासा झाला.

बाँब बनवण्याचा करत होते प्रयत्न !

सरकारी अधिवक्ता पी.आर्. दंतनी यांनी सांगितले की, आरोपींपैकी एकाने टाइम बाँब बनवण्याचा प्रयत्न केला होता; मात्र त्यांचा हा प्रयत्न अयशस्वी ठरला.

पोलिसांना अजून बाँब बनवण्याचे साहित्य आणि उर्दूमध्ये लिहिलेले जैश-ए-महंमदचे साहित्य जप्त करायचे आहे. बाँब बनवण्याचे साहित्य कुठून आणले गेले ? आणि ते कुठे लपवले होते ?,. तसेच जिहादी पुस्तके कुठून मिळाली ? ती कुठे ठेवली आहेत ? यांचा शोध आता आतंकवादविरोधी घेत आहे.

संपादकीय भूमिका

अशांना कारागृहात ठेवून पोसत बसण्याऐवजी त्यांच्याविरुद्ध जलद गती न्यायालयात खटला चालवून त्यांना फाशीचीच शिक्षा होण्यासाठी सरकारने प्रयत्न केला पाहिजे !

नूतन लेख