(म्हणे) पंतप्रधान मोदी यांच्यामुळे भारतात मला प्रत्येक जण ओळखू लागला ! – Zakir Naik

जिहादी आतंकवाद्यांचा आदर्श असणारा झाकीर नाईक याचा जुना व्हिडिओ पुन्हा प्रसारित

नवी देहली – पंतप्रधान मोदी यांच्यामुळेच आज मला भारतात प्रत्येक जण ओळखतो. पूर्वी केवळ मुसलमानांनाच माझे विचार ठाऊक होते; पण आता मुसलमानांपेक्षा मुसलमानेतर लोक मला अधिक ओळखतात. इतकेच नव्हे, तर, अल्लाचे हेच नियोजन आहे, तो इस्लामच्या शत्रूकडूनही चांगली कामे करून घेतो. मोदी यांच्या कारवाईमुळेच माझा अधिक प्रचार झाला, असा दावा करणारा जिहादी आतंकवाद्यांचा आदर्श असणारा झाकीर नाईक याचा जुना व्हिडिओ सामाजिक माध्यमांत प्रसारित झाला आहे.

Old video of Zakir Naik, the face of radicalisation, resurfaces! 📢

He shamelessly claims PM Modi made him "famous" in India.

Often, it is only when a case is registered or charges are filed that the true face of an individual comes to light.

It was after a treason case was… pic.twitter.com/dGCdzt3kIY

— Sanatan Prabhat (@SanatanPrabhat) March 25, 2026

भारतात गेल्यास मला कारागृहात टाकतील !

पाकिस्तानी युट्युबर नादिर अली याने झाकीर नाईकची मुलाखत घेतली. या वेळी  झाकीर याला ‘तू पुन्हा भारतात जाणार का?’ असे विचारल्यावर तो म्हणाला की, भारतात जाणे फार सोपे आहे; पण तेथून परत बाहेर येणे फार कठीण आहे. जर मी गेलो, तर ते माझे ‘रेड कार्पेट’वर (लाल गालिचावर) स्वागत करतील; पण थेट कारागृहात टाकतील; कारण त्यांच्या सूचीमध्ये मी क्रमांक १ चा आतंकवादी आहे.

मोदी सरकार असेपर्यंत भारतात जाणार नाही !

झाकीर याने पुढे म्हटले की, मी भारतात जाणार नाही, असे नाही; पण जोपर्यंत मोदी सरकार आहे, तोपर्यंत जाणे धोक्याचे आहे. जेव्हा मोदी पंतप्रधान नसतील आणि नवीन सरकार येईल, तेव्हा मी निश्चितच भारतात परत जाईन.

मुसलमानेतर लोक माझ्या भाषणांमुळे प्रभावित होऊन इस्लाम स्वीकारत होते, हीच सरकारची खरी अडचण होती, असा दावाही त्याने या मुलाखतीत केला. त्याच्यावर असलेले सर्व आरोप त्याने फेटाळून लावले असून एकही आरोप सिद्ध झाला नसल्याचा दावा त्याने केला.