Obesity Among Children : युरोपीय देशांप्रमाणे भारतातील मुलांमध्ये वाढत आहे लठ्ठपणाचा धोका !

मुंबई – मुलांसाठी कार्यरत असलेल्या ‘युनिसेफ’ या जागतिक संघटनेने भारतातील मुलांमध्ये लठ्ठपणा वाढत असल्याची चेतावणी दिली आहे. महाराष्ट्रातही अयोग्य आहारपद्धत, भ्रमणभाषचा अतीवापर, बैठी जीवनशैली, व्यायामाचा अभाव आदींमुळे मुलांमध्ये लठ्ठपणा वाढत आहे, अशी माहिती सार्वजनिक आरोग्य विभागाकडून २४ जून या दिवशी विधानसभेत एका तारांकित प्रश्नाच्या लेखी उत्तरात देण्यात आली.

‘युनिसेफ’च्या वर्ष २०२५ च्या अहवालानुसार जगभरात ५ ते १९ वयोगटातील मुलांमध्ये लठ्ठपणाचे प्रमाण ९.४ टक्क्यांनी वाढले आहे. हा धोका भारतामध्येही निर्माण झाल्याचे ‘युनिसेफ’ने सांगितले आहे. राज्याच्या सार्वजनिक आरोग्य विभागाने मुलांच्या लठ्ठपणाचा धोका महाराष्ट्रातही वाढत असल्याचे लेखी उत्तरामध्ये म्हटले आहे.