सनातन प्रभात > Post Type > बातम्या > आंतरराष्ट्रीय बातम्या > Feni Bangladesh Hindu Murder : फेनी (बांगलादेश) जिल्ह्यात अल्पवयीन हिंदु मुलाची हत्या !

Feni Bangladesh Hindu Murder : फेनी (बांगलादेश) जिल्ह्यात अल्पवयीन हिंदु मुलाची हत्या !

  • बांगलादेशात अल्पसंख्य हिंदूंवरील आक्रमणांचे सत्र चालूच !

  • हे आक्रमण पूर्वनियोजितच ! – मुलाच्या कुटुंबियांचा आरोप

ढाका (बांगलादेश) – बांगलादेशात अल्पसंख्यांकांवरील आक्रमणांचे प्रमाण सातत्याने वाढत असून हिंदूंना अधिकाधिक लक्ष्य केले जात आहे. येथील फेनी जिल्ह्यातील लालपोल परिसरात १६ वर्षांच्या संतू कुमार साहा या हिंदु मुलाची निर्घृण हत्या करण्यात आली.

संतू मियाजी पेट्रोल पंपावर त्याच्या सहप्रवाशाची वाट पहात रिक्षामध्ये थांबला होता. त्या वेळी काही जिहाद्यांनी त्याचे वाहन बळकावण्याचा प्रयत्न केला. संतूने त्यास विरोध केल्यावरून जिहाद्यांनी रिक्षाला महामार्गावरील पुलाजवळ नेले. तेथून जाणार्‍या एका वाहनाने संतूला धडक दिली आणि त्यात त्याचा मृत्यू झाला. संतूच्या कुटुंबियांचा आरोप आहे की, इफ्तारच्या वेळीही संतूला लक्ष्य करण्यात आले होते. हे आक्रमणही पूर्वनियोजितच होते.

२ दिवसांपूर्वीच बांगलादेशातील कोमिल्ला जिल्ह्यात प्रार्थना करणार्‍या हिंदूंवर बाँब फेकण्यात आले होते. स्फोटांमुळे परिसरात भीतीचे वातावरण निर्माण झाले. अनेकांना जीव वाचवण्यासाठी पळ काढावा लागला आणि काही जण घायाळ झाले.

संपादकीय भूमिका

  • बांगलादेशाचे नवनिर्वाचित पंतप्रधान तारिक रहमान यांनी तेथील हिंदूंवरील आक्रमणे ही धार्मिक नसून राजकीय स्वरूपाची असल्याचा दावा केला होता. ते किती फोल आणि निराधार आहे, ते निवडणुकांनंतरही अशा प्रकारच्या सातत्याने होत असलेल्या हिंदूंच्या हत्यांतून लक्षात येते. यावर आता भारताने रहमान यांना जाब विचारावा !
  • अमेरिकेचे हस्तक असलेले तत्कालीन अंतरिम सरकारचे प्रमुख महंमद युनूस असोत अथवा लोकशाही मार्गाने निवडून आलेले सध्याचे सरकार, हिंदूंवरील आक्रमणे ही दोन्ही सत्ताकाळांतील समस्या समान आहे. यातून बांगलादेश हा हिंदूंसाठी नरक असल्याचेच लक्षात येते !

नूतन लेख