सनातन प्रभात > Post Type > बातम्या > राष्ट्रीय बातम्या > Kallazhagar Temple Row : मंदिराच्या पैशाने होणारा तमिळनाडू सरकारचा प्रकल्प मद्रास उच्च न्यायालयाने केला रहित !

Kallazhagar Temple Row : मंदिराच्या पैशाने होणारा तमिळनाडू सरकारचा प्रकल्प मद्रास उच्च न्यायालयाने केला रहित !

  • मंदिराचा पैसे केवळ धार्मिक उद्देशासाठी खर्च केला जाऊ शकतो ! – मद्रास उच्च न्यायालय

  • कल्लाझगर मंदिराचे ४० कोटी रुपये वापरून होणारा तमिळनाडू सरकारचा प्रकल्प मद्रास उच्च न्यायालयाने केला रहित !

चेन्नई (तमिळनाडू) – कल्लाझगर मंदिराच्या साठवलेला आणि अतिरिक्त निधी यांचा वापर व्यावसायिक सुविधांसाठी करण्याचा तमिळनाडूमधील द्रमुक सरकारचा निर्णय मद्रास उच्च न्यायालयाने रहित केला. या प्रकल्पांतर्गत रेस्टॉरंट, दुकान, सदनिका आणि इतर व्यावसायिक सुविधा उभारण्याचे नियोजन करण्यात आले होते; परंतु न्यायालयाने हा निर्णय कायदेशीरदृष्ट्या अयोग्य असल्याचे सांगत रहित केला. या प्रकल्पासाठी मंदिराचे ४० कोटी रुपये खर्च केले जाणार होते.

उच्च न्यायालयाने स्पष्ट केले की, मंदिर केवळ धार्मिक उद्देशांसाठीच निधी वापरू शकते आणि सरकारचा हा निर्णय मंदिराच्या धार्मिक भावभावना आणि संबंधित कायद्याच्या तमिळनाडू हिंदू धार्मिक अन् धर्मादाय अधिनियमाचे उल्लंघन करतो.

तमिळनाडू हिंदू धार्मिक अन् धर्मादाय खात्याने मंदिरास राज्यातील काही जागा समजून त्याचा निधी व्यावसायिक वापरासाठी वाटप केला. सरकारने निधीचा वापर मोठ्या प्रमाणात खर्च करण्याआधी विश्वस्त मंडळाची मान्यता किंवा नियोजित अर्थसंकल्पाच्या प्रक्रियेचे पालन केले नाही.

संपादकीय भूमिका

या निर्णयातून आता देशभरातील सरकारीकरण झालेल्या सर्व मंदिरांचा पैसा सरकारची योजनांसाठी नाही, तर हिंदु धर्मासाठीच खर्च केला पाहिजे, अशी मागणी हिंदू आणि त्यांच्या संघटना यांनी सर्व सरकारांकडे केली पाहिजे !

नूतन लेख