India-U.S. Trade Deal : (म्हणे) ‘मोदी यांनी ट्रम्प यांना भ्रमणभाष न केल्याने भारत-अमेरिका व्यापार करार रखडला !’ – अमेरिकेचे वाणिज्य सचिव हॉवर्ड लुटनिक

अमेरिकेचे वाणिज्य सचिव हॉवर्ड लुटनिक यांचा दावा

वॉशिंग्टन (अमेरिका) : भारत-अमेरिका व्यापार करार कोणत्याही धोरणात्मक मतभेदांमुळे नव्हे, तर पंतप्रधान नरेंद्र मोदी यांनी अमेरिकेचे राष्ट्राध्यक्ष डॉनल्ड ट्रम्प यांना भ्रमणभाष न केल्यामुळे रखडला, असा दावा अमेरिकेचे वाणिज्य सचिव हॉवर्ड लुटनिक यांनी एका मुलाखतीत केला. यामुळे ट्रम्प यांचा अहंकार दुखावल्याचेही त्यांनी सांगितले.

So Howard Lutnick claims the India-U.S. trade deal stalled because Narendra Modi didn’t call Donald Trump.

Does Washington really believe India must flatter Trump to avoid arbitrary 50% tariffs?

India is a sovereign nation, not a vassal state.

Given Trump’s erratic,… pic.twitter.com/LzdorIcsdg

— Sanatan Prabhat (@SanatanPrabhat) January 9, 2026

लुटनिक पुढे म्हणाले की,

१. दोन्ही देशांतील व्यापार करार जवळपास अंतिम टप्प्यात होता. चर्चा पूर्ण करण्यासाठी भारताला ‘तीन शुक्रवारां’ची समयमर्यादा देण्यात आली होती. ट्रम्प स्वतः तो अंतिम करू इच्छित होते; परंतु नरेंद्र मोदी यांनी त्यांना थेट भ्रमणभाष न केल्याने करार पुढे जाऊ शकला नाही.

२. परिणामी अमेरिकेने इंडोनेशिया, फिलिपाइन्स आणि व्हिएतनाम यांच्यासमवेत व्यापार करार केला. याउलट ब्रिटनचे पंतप्रधान कीर स्टारमर यांनी ट्रम्प यांना भ्रमणभाष केल्यानंतर लगेच अमेरिका आणि ब्रिटन यांच्यात करार झाला.

३. भारतासाठी याआधी ठरलेल्या अटी आता लागू नसतील. भविष्यात जर दोन्ही देशांमध्ये करार झालाच, तर भारताला नव्या आणि कठीण अटींचा सामना करावा लागू शकतो.

रशियाकडून तेल खरेदी केल्यामुळे अमेरिकेने भारतावर एकूण ५० टक्के शुल्क लादले आहे. भारताने हा निर्णय चुकीचा असल्याचे सांगत शुल्क तातडीने रहित करण्याची मागणी केली आहे. याविषयावर दोन्ही देशांत चर्चा चालू असल्या, तरी व्यापार करार अद्याप प्रलंबित आहे.