पू. भार्गवराम प्रभु देवद (पनवेल) येथील सनातनच्या आश्रमात आल्यावर साधिकेला मारक आणि तारक अशा दैवी सुगंधांची अनुभूती येणे अन् मनातील विचार न्यून होऊन मन नामजपावर एकाग्र होणे 

‘३.१०.२०२५ या दिवशी मंगळुरू (दक्षिण कन्नड, कर्नाटक) येथील पू. भार्गवराम भरत प्रभु (सनातनचे पहिले बालसंत, वय ८ वर्षे) हे देवद (पनवेल) येथील सनातनच्या आश्रमात आले होते. त्या वेळी मी प.पू. पांडे महाराज यांच्या खोलीत नामजपादी आध्यात्मिक उपायांसाठी बसले होते. पू. भार्गवराम हे प.पू. पांडे महाराज यांच्या खोलीत आल्यावर मला दैवी सुगंध आला. ‘हा दैवी सुगंध मारक स्वरूपाचा असावा’, असे मला वाटले. आरंभी हा सुगंध अधिक तीव्र होता. नंतर तो हळूहळू उणावत गेला. त्यानंतर मला तारक स्वरूपाचा दैवी सुगंध आला.

दैवी सुगंधामुळे माझ्या मनातील विचार न्यून होऊन मन नामजपावर एकाग्र झाले. ‘या दैवी सुगंधाची अनुभूती घेत रहावी’, असे मला वाटले.

पू. भार्गवराम हे खोलीतून बाहेर गेल्यानंतर काही वेळाने तो सुगंध न्यून होत नाहीसा झाला.’

– श्रीमती जयश्री भालेराव, सनातन आश्रम, देवद, पनवेल. (१०.१०.२०२५)