सनातन प्रभात > Post Type > बातम्या > आंतरराष्ट्रीय बातम्या > Pakistan Taliban War : तालिबानकडून खैबर पख्तूनख्वा प्रांतातील ‘इस्लामिक स्टेट’च्या तळांवर ड्रोनद्वारे आक्रमण !

Pakistan Taliban War : तालिबानकडून खैबर पख्तूनख्वा प्रांतातील ‘इस्लामिक स्टेट’च्या तळांवर ड्रोनद्वारे आक्रमण !

पाकिस्तानच्या हवाई आक्रमणाचा उगवला सूड !

इस्लामाबाद (पाकिस्तान) –  पाकिस्तानने ‘तेहरिक-ए-तालिबान पाकिस्तान’ (टीटीपी) वर ड्रोन आणि लढाऊ विमाने यांद्वारे केलेल्या आक्रमणाला अफगाणिस्तानने प्रत्युत्तर दिले आहे. अफगाणिस्तानमधील तालिबानने २ ड्रोनद्वारे खैबर पख्तूनख्वा प्रांतातील ‘इस्लामिक स्टेट’च्या तळांवर अचूक आक्रमण केले. त्या वेळी  ‘इस्लामिक स्टेट’चे काही प्रमुख आतंकवादी तेथे उपस्थित होते. त्यात अब्दुल हकीम तोहिदी, गुल नाजिम आणि सादिक यार यांचा समावेश असल्याचे सांगितले जाते.

तालिबानच्या या ड्रोन आक्रमणाविषयी पाकिस्तानने अद्याप कुठलेही अधिकृत स्पष्टीकरण दिलेले नाही. तालिबानी सूत्रांचा आरोप आहे की, पाकिस्तानचे सैन्यदल  ‘इस्लामिक स्टेट’च्या आतंकवाद्यांना आश्रय देते, जेणेकरून तालिबान सरकारवर दबाव आणता येईल आणि भारताविरुद्ध आतंकवादी कारवाया घडवता येतील.

नूतन लेख