श्रीकृष्ण जन्मभूमीच्या मुक्तीसाठी मुंबई येथे आयोजित यज्ञस्थळी समाजकंटकांचा दंगा !

मुंबई, १६ नोव्हेंबर (वार्ता.) – श्रीकृष्ण जन्मभूमी मुक्त व्हावी, यासाठी वरळी येथील गांधी (जांभोरी) मैदानावर चालू असलेल्या श्री नारायण महायज्ञाच्या ठिकाणी काही समाजकंटकांनी दंगा केला. यज्ञाच्या निमित्ताने पटांगणाबाहेर लावलेल्या विविध फलकांमध्ये पू. संभाजीराव भिडेगुरुजी यांनी या यज्ञासाठी दिलेल्या शुभेच्छेचाही फलक होता. त्यावर त्यांचे छायाचित्र होते. समाजकंटकांनी हा फलक फाडून टाकला. १५ नोव्हेंबरला सायंकाळी ७.३० ते रात्री ८ या वेळेत ‘जय भीम’, ‘मनोहर भिडे मुर्दाबाद’ अशा घोषणा देत मैदानाच्या प्रवेशद्वाराजवळ १५-२० समाजकंटकांनी हा प्रकार केला. या वेळी पोलिसांनी परिस्थिती नियंत्रणात आणली; मात्र फलक फाडणार्‍यांवर पोलिसांनी कोणतीही कारवाई केली नाही.

श्रीकृष्ण जन्मभूमी मुक्त व्हावी, यासाठी ‘श्रीकृष्ण जन्मभूमी संघर्ष न्यासा’च्या वतीने १५ आणि १६ नोव्हेंबर या दिवशी हा महायज्ञ आयोजित करण्यात आला आहे. या निमित्ताने या सोहळ्याला शुभेच्छा देण्यासाठी विविध हिंदुत्वनिष्ठ संघटनांनी गांधी मैदानाच्या बाहेर फलक लावले होते. समाजकंटकांनी मैदानाबाहेर दंगा केल्याचे समजताच यज्ञस्थळी उपस्थित हिंदूही मोठ्या संख्येने ‘जय श्रीराम’, ‘हर हर महादेव’, अशा घोषणा देत मैदानाच्या प्रवेशद्वारावर आले. दोन्ही गट समोरासमोर आल्यामुळे तणावाची परिस्थिती निर्माण झाली. पोलिसांनी परिस्थिती नियंत्रणात आणण्याचा प्रयत्न केला. साधारण २०-२५ मिनिटांनी परिस्थिती नियंत्रणात आली. या प्रकारानंतर रात्री ९.३० वाजता गांधी मैदानाच्या बाहेर मोठ्या प्रमाणात पोलिसांचा पहारा होता. या घटनेविषयी ‘श्रीकृष्ण जन्मभूमी संघर्ष न्यासा’चे राष्ट्रीय महामंत्री आणि महाराष्ट्र राज्याचे संयोजक श्री. पराग फडणीस यांच्याशी ‘सनातन प्रभात’च्या प्रतिनिधीने संपर्क साधला असता ते म्हणाले, ‘‘पोलीस ठाण्यात रितसर तक्रार नोंदवण्यात येणार आहे. १६ नोव्हेंबरच्या सायंकाळी माध्यमांना घडलेल्या प्रकाराची माहिती देण्यात येईल.’’

🚨 At the Shri Krishna Janmabhoomi liberation Yagya, casteist anti-social elements barged in, vandalised hoardings of Pujya Bhide Guruji, and incited chaos with ‘Jai Bhim’ slogans.

😡 Hoardings are torn in full public view, yet the Mumbai Police take zero action.

❓ Why are… https://t.co/cztGQAUmwe pic.twitter.com/GjMpGycr0I

— Sanatan Prabhat (@SanatanPrabhat) November 17, 2025