Gita Gopinath Slams Trump’s Tariffs : ट्रम्प यांच्या आयात शुल्क धोरणामुळे अमेरिकेच्या अर्थव्यवस्थेवर नकारात्मक परिणाम ! – गीता गोपीनाथ, अर्थतज्ञ

वॉशिंग्टन (अमेरिका) – अमेरिकेचे राष्ट्राध्यक्ष डॉनल्ड ट्रम्प यांनी देशहितासाठी अनेक देशांच्या उत्पादनांवर आयात शुल्क लादले; मात्र आता त्याचा विपरीत परिणाम दिसत असून या धोरणाचा अमेरिकेला फटका बसत आहे, असे मत आंतरराष्ट्रीय नाणेनिधीच्या माजी व्यवस्थापकीय संचालिका तथा अर्थतज्ञ गीता गोपीनाथ यांनी व्यक्त केले आहे. ‘अमेरिकेने विविध देशांवर आयात शुल्क लादून ६ महिने झाले. आयात शुल्कामुळे जागतिक स्तरावर व्यापार युद्धासारखी परिस्थिती निर्माण झाली आहे. जगभरातील देशांवर आयात शुल्क लादून अमेरिकेने काय साध्य केले ?’, असा प्रश्नही त्यांनी उपस्थित केला.

📉 Gita Gopinath Slams Trump’s Tariffs

Harvard Prof & ex-IMF Chief Economist Gita Gopinath gives a “negative scorecard” for Trump-era tariffs 👇

1️⃣ Revenue up — but paid by US firms & consumers (like a tax)

2️⃣ Inflation up — esp. for appliances, furniture, coffee

3️⃣ No… pic.twitter.com/wjhjmKisti

— Sanatan Prabhat (@SanatanPrabhat) October 8, 2025

गीता गोपीनाथ पुढे म्हणाल्या,

१. आयात शुल्क लादल्यामुळे अमेरिकेचा काही प्रमाणात महसूल वाढला आहे; मात्र तो अमेरिकी आस्थापनांकडून गोळा केला गेला आहे.

२. देशांतर्गत उत्पादनाला चालना देण्यासाठी आणि व्यापार संतुलन सुधारण्यासाठी आयात शुल्क धोरण राबवण्यात आले; परंतु व्यापार संतुलनात सुधारणा किंवा अमेरिकी उत्पादन क्षेत्रावर सकारात्मक परिणाम होण्याची कोणतीही चिन्हे दिसत नाहीत.

३. सरकारच्या या धोरणामुळे देशात महागाई वाढली आहे. घरगुती उपकरणे, फर्निचर आणि कॉफी यांसारख्या गोष्टींच्या किमती वाढल्या आहेत.