सनातन प्रभात > Post Type > बातम्या > आंतरराष्ट्रीय बातम्या > Pakistan Terrorist Attack : पाकच्या दक्षिण वझिरीस्तानमध्ये झालेल्या आतंकवादी आक्रमणात १२ सैनिक ठार !

Pakistan Terrorist Attack : पाकच्या दक्षिण वझिरीस्तानमध्ये झालेल्या आतंकवादी आक्रमणात १२ सैनिक ठार !

आतंकवाद्यांनी सैनिकांची शस्त्रेही हिसकावून घेतली !

प्रातिनिधिक छायाचित्र

इस्लामाबाद (पाकिस्तान) – अफगाणिस्तानच्या पाकमधील ‘तेहरीक-ए-तालिबान पाकिस्तान’ (टीटीपी) या आतंकवादी संघटनेने पाकिस्तानी सैन्यावर मोठे आक्रमण केले. खैबर पख्तुनख्वा प्रांतातील दक्षिण वझिरीस्तानच्या बदर खोर्‍याच्या भागात झालेल्या या आक्रमणात पाकचे १२ सैनिक ठार झाले, तर ४ जण गंभीर घायाळ झाले. पाकिस्तानी सैन्याने या घटनेला दुजोरा दिला आहे. पाकच्या सुरक्षा दलांनी म्हटले की, हे आक्रमण अतिशय सुनियोजित होते आणि ते इतक्या वेगाने करण्यात आले की, सैनिकांना लगेच प्रतिक्रियाही देता आली नाही. ‘टीटीपी’ने आक्रमणाचे दायित्व स्वीकारले आहे. आतंकवाद्यांनी आक्रमणाच्या वेळी पाकिस्तानी सैनिकांकडून शस्त्रेही हिसकावून घेतली.

आंतरराष्ट्रीय वृत्तसंस्था ‘ए.एफ्.पी.’च्या नोंदीनुसार १ जानेवारीपासून खैबर पख्तुनख्वा आणि बलुचिस्तान प्रांतांमध्ये राज्यविरोधी सशस्त्र गटांनी केलेल्या आक्रमणांत अनुमाने ४६० लोक मारले गेले आहेत. यांपैकी बहुतेक लोक हे पोलीस अथवा सैनिक होते.

संपादकीय भूमिका

अशा सैनिकांचा भरणा असलेला पाकिस्तान म्हणे भारताचा सामना करणार !

नूतन लेख