सनातन प्रभात > Post Type > बातम्या > राष्ट्रीय बातम्या > Sarla Bhatt Murder : यासिन मलिक याच्या घरासह श्रीनगरमध्ये ८ ठिकाणी पोलिसांचे छापे

Sarla Bhatt Murder : यासिन मलिक याच्या घरासह श्रीनगरमध्ये ८ ठिकाणी पोलिसांचे छापे

काश्मिरी हिंदु सरला भट्ट हत्या प्रकरणात ३५ वर्षांनंतर कारवाई !

काश्मिरी हिंदु सरला भट्ट हत्या

श्रीनगर – वर्ष १९९० मध्ये काश्मिरी हिंदु महिला सरला भट्ट यांच्या करण्यात आलेल्या हत्येच्या प्रकरणात विशेष अन्वेषण संस्थेने १२ ऑगस्टला श्रीनगरमधील ८ ठिकाणी धाडी घातल्या. ‘जम्मू-कश्मीर लिबरेशन फ्रंट’ या संघटनेचा प्रमुख यासीन मलिक याच्या मैसुमा भागात असलेल्या घरासह त्याच्या सहकार्‍यांच्या लपण्याच्या ठिकाणांवरही धाडी घालण्यात आल्या. जिहादी आतंकवाद्यांनी १९९० च्या दशकात काश्मिरी हिंदूंच्या केलेल्या वंशविच्छेदाच्या प्रकरणी जम्मू-काश्मीरच्या उपराज्यपालांनी या हत्याकांडाचे खटले पुन्हा चालू करण्याचा निर्णय नुकताच घेतला होता. या निर्णयानुसार अन्वेषण संस्थेने ही कारवाई चालू केली आहे.

सरला भट्ट यांची निर्घृणपणे केली होती हत्या !


परिचारिका म्हणून काम करणार्‍या सरला भट्ट यांचे ‘शेर-ए-कश्मीर इन्स्टिट्यूट ऑफ मेडिकल सायन्सेस’च्या वसतीगृहातून वर्ष १९९० मध्ये अपहरण करण्यात आले होते. दुसर्‍या दिवशी श्रीनगरमधील सौरा भागात गोळ्यांनी चाळणी केलेला त्यांचा मृतदेह सापडला. हा खटला आरंभी निगीन पोलीस ठाण्यात नोंदवण्यात आला होता. नंतर तो विशेष अन्वेषण संस्थेकडे वर्ग करण्यात आला.

संपादकीय भूमिका

  • ३५ वर्षांनंतर हत्येचे अन्वेषण करायला आरंभ करणारे भारतीय पोलीस ! आता पोलिसांना हत्येचे पुरावे कधी आणि कसे सापडणार ? त्यामुळे उद्या पोलीस ‘पुरावे नाहीत’, असे न्यायालयात सांगून मोकळे होणार आणि हे प्रकरण संपवणार, हे उघड आहे ! ही पीडित काश्मिरी हिंदूंची क्रूर थट्टा आहे !
  • इतकी वर्षे अन्वेषण न करणार्‍या पोलिसांना सरकारने फाशीची शिक्षा दिली पाहिजे, अशी हिंदूंची मागणी आहे !

नूतन लेख