महिला बांधणार लोकप्रतिनिधींना राखी !

‘लव्ह जिहाद’विरोधी कायद्यासाठी सकल हिंदु समाजाचे जनजागृती अभियान

कोल्हापूर, ७ ऑगस्ट – राज्यात विविध जिल्ह्यांसह कोल्हापूर शहरात हिंदु समाजातील महिला आपल्या भागातील आमदार, खासदार, नगरसेवक, स्थानिक पदाधिकारी यांना राखी बांधून महाराष्ट्रात ‘लव्ह जिहादविरोधी’ कायदा तात्काळ लागू करण्याची मागणी करणार आहेत, अशी माहिती सकल हिंदु समाजाच्या वतीने प्रसिद्धीपत्रकाद्वारे देण्यात आली आहे.

‘ही राखी केवळ नात्याची नाही, तर हिंदु भगिनींच्या सन्मानाची आहे’, अशी साद महिला लोकप्रतिनिधींना घालणार आहेत. सकल हिंदु समाजाच्या नेतृत्वाखाली या उपक्रमात शेकडो महिला स्वत:चा सहभाग नोंदवणार आहेत.