Mission Asmita : हिंदु युवतींचे धर्मांतर करणार्‍या टोळीतील १० जणांना ६ राज्यांतून अटक

लक्ष्मणपुरी (उत्तरप्रदेश) – पोलिसांनी अवैधरित्या धर्मांतर करणार्‍या एका टोळीचा बुरखा फाडला आहे. ही टोळी इस्लामी स्टेट या आतंकवादी संघटनेच्या पद्धतीनुसार काम करत होती. या कारवाईत ६ वेगवेगळ्या राज्यांमधून १० जणांना अटक करण्यात आली आहे. मार्च २०२५ मध्ये २ बहिणी, ज्यांचे वय अनुक्रमे ३३ आणि १८ वर्षे होते, त्या बेपत्ता झाल्याची तक्रार आगरा येथील पोलीस ठाण्यात नोंदवण्यात आली होती. त्यानंतर पोलिसांनी अन्वेषण चालू केले. अन्वेषणात पोलिसांना असे आढळून आले की, बेपत्ता झालेल्या २ बहिणींना धर्म पालटण्यास भाग पाडण्यात आले होते. या प्रकरणी राजस्थानमधून ३, उत्तरप्रदेश आणि बंगाल येथून प्रत्येकी २, तर देहली, उत्तराखंड अन् गोवा या राज्यांतून प्रत्येकी एकाला अटक करण्यात आली आहे. अटक करण्यात आलेल्या व्यक्तींची ओळख पटली आहे. गोव्यातील आयशा उपाख्य एस्.बी. कृष्णा, कोलकाता येथील अब्बू तालिब खलापर, डेहराडून येथील अबुर रहमान देहरादून, देहलीतील मुस्तफा उपाख्य मनोज, जयपूरमधील महंमद अली आणि जुनैद कुरेशी, अशी अटक करण्यात आलेल्या काही आरोपींची नावे आहेत.

🚨 #Agra #ConversionRacket

🕵️‍♂️ 10 arrested across 6 states for trapping & converting Hindu girls!

🔍 Operation under 'Mission Asmita'

💔 Operated like ISIS Pattern

⚫ Linked to Love Jihad

💸 Funded from USA & Canada

– Girls were brainwashed & radicalised

❓How did police &… pic.twitter.com/YAUMmEAK9H

— Sanatan Prabhat (@SanatanPrabhat) July 21, 2025

आगराचे पोलीस आयुक्त दीपक कुमार यांच्या म्हणण्यानुसार, ‘‘बेपत्ता झालेल्या एका मुलीने सामाजिक माध्यमांत एक छायाचित्र प्रसारित केले होते. त्यामध्ये एका मुलीच्या हातात ‘एके-४७’ रायफल होती. यानंतर पोलिसांच्या अन्वेषणाला वेग आला. दीपक कुमार म्हणाले, ‘‘प्राथमिक अन्वेषणात असे आढळून आले की, या बहिणींना ‘लव्ह जिहाद’ आणि कट्टरतावाद यांत सहभागी असलेल्या टोळीने लक्ष्य केले होते. या टोळीला अमेरिका आणि कॅनडा यांच्यासह अनेक देशांतून निधी मिळत होता. याविषयीचे पुरावे मिळाले आहेत.’’

इस्लामिक स्टेटच्या कार्यशैलीनुसार टोळी कार्यरत

इस्लामिक स्टेट ज्याप्रमाणे कार्यरत असते, त्याप्रमाणे या टोळीमध्ये सहभागी असलेल्या टोळीने ही कुकृत्ये करण्यासाठी विविध भूमिका बजावल्या आहेत, असा संशय आहे. अटक करण्यात आलेल्या व्यक्तींचा धर्मांतर आणि लव्ह जिहाद यांसाठी निधी मिळवणे, आश्रय देणे, धर्मांतर अन् अन्य कट्टरतावादी कारवायांना चालना देणे, अशा अनेक कुकृत्यांमध्ये  सहभाग होता. ही टोळी इसिस या क्रूर जिहादी आतंकवादी संघटनेच्या पद्धतीने धर्मांतर करत असल्याचे तपासात दिसून आले आहे, अशीही माहिती पोलीस आयुक्त कुमार यांनी दिली. अटक केलेल्या १० व्यक्तींमध्ये एका महिलेचा समावेश आहे.