छत्रपती संभाजीनगर येथील अमोल खोतकर चकमक प्रकरणाला नवे वळण !

• सुपारी घेऊन हत्या केल्याचा कुटुंबाचा आरोप !

• सीबीआय चौकशीची मागणी !

छत्रपती संभाजीनगर – वाळूज परिसरातील उद्योजक संतोष लड्डा यांच्या घरी घातलेल्या दरोड्यातील मुख्य आरोपी अमोल खोतकर याचा पोलिसांच्या चकमकीत दुर्दैवी मृत्यू झाला होता; मात्र ‘ही चकमक सुपारी घेऊन करण्यात आली आहे’, असा आरोप आरोपीच्या बहिणीने केला आहे, तसेच या प्रकरणाची केंद्रीय गुन्हे अन्वेषण विभागाच्या (सीबीआय) वतीने चौकशी करून पोलिसांच्या भूमिकेवर त्याच्या वडिलांनी संशय व्यक्त केला आहे. या प्रकरणात पोलिसांचा सहभाग असल्याचा आरोप यापूर्वीच पालकमंत्री संजय शिरसाट यांनी केला होता.

वडगाव कोल्हाटी परिसरामध्ये ही चकमक झाली होती. पोलीस दरोडेखोरांच्या मागावर होते. यातील मुख्य आरोपी अमोल खोतकर याला पकडण्यासाठी गेल्यावर त्याने पोलिसांच्या अंगावर गाडी घालून त्यांनाच मारण्याचा प्रयत्न केला होता.