‘रोटरी क्लब ऑफ हुपरी’च्या वतीने १५० गरजू मुलींना विनामूल्य सायकलवाटप

हुपरी (जिल्हा कोल्हापूर) – ‘रोटरी क्लब ऑफ हुपरी’च्या वतीने ‘सायकल फॉर एज्युकेशन’ या उपक्रमांतर्गत हुपरी आणि परिसरातील जिल्हा परिषद शाळांमधील १५० गरजू अन् होतकरू मुलींना विनामूल्य सायकलींचे वाटप करण्यात आले. ‘रोटरी’चे अरूण भंडारे आणि राजेश भोजे यांच्या अध्यक्षतेखाली हा कार्यक्रम पार पडला. या प्रसंगी राजेंद्र माळी, शिवाजीराव शेटके, गौरव पोतदार, तसेच शाळेचे मुख्याध्यापक, शिक्षक, विद्यार्थी, पालक उपस्थित होते. या प्रकल्पासाठी एकूण ८ लाख रुपये व्यय आला.