कर्नाटकात २ पाकिस्तानी घुसखोरांना अटक

बेंगळुरू (कर्नाटक) – अवैधरित्या भारतीय नागरिकत्वाचे महत्त्वाचे दस्तऐवज मिळवून कर्नाटकात रहात असलेल्या २ पाकिस्तानी घुसखोरांना चिक्कबळ्ळापूर जिल्हा पोलिसांनी अटक केली आहे. अटक केलेल्यांची ओळख फराह नाज आणि तिचा मुलगा महंमद फरदीन अशी पटली आहे. त्यांनी त्यांची खरी राष्ट्रीयता आणि नागरिकत्व या गोष्टी हेतूपुरस्सर लपवून फसवणुकीद्वारे रेशनकार्ड आणि मतदारओळखपत्र मिळवल्याचे निष्पन्न झाले. (हे पोलीस आणि प्रशासन यांना लज्जास्पद! – संपादक) जिल्हाधिकार्‍यांनी ही कागदपत्रे अवैध ठरवून ती रहित केली आहे, असे जिल्हा पोलीस अधीक्षकांनी सांगितले.