६ वर्षांच्या मुलीवर बलात्कार करून तिची हत्या करणार्‍या मुसलमान तरुणाला अटक !

मुझफ्फरनगर (उत्तरप्रदेश) येथील घटना

मुझफ्फरनगर (उत्तरप्रदेश) – येथील एका ६ वर्षीय मुलीवर बलात्कार करून तिची हत्या केल्याच्या प्रकरणी मुसलमान तरुणाला १४ तासांत अटक करण्यात आली आहे. उत्तरप्रदेश पोलिसांनी चकमकीनंतर आरोपीला कह्यात घेतले. या वेळी आरोपीच्या दोन्ही पायात गोळी लागली. तपासात तो आसामचा रहिवासी असून त्याचे नाव इमानविल उपाख्य सैमुअल असल्याचे समोर आले आहे.

१. २ जानेवारी या दिवशी पीडित मुलीचे आई-वडील तिला घरी एकटे सोडून कारखान्यात कामाला गेले होते. त्यानंतर इमारतीच्या खालच्या भागात रहाणारा इमानविल तेथे आला. त्याने आधी मुलीला फूस लावली, नंतर तिला खोलीत बोलावून तिच्यावर बलात्कार केला आणि नंतर तिची हत्या करून पसार झाला.

२. सायंकाळी मुलीचे आई-वडील कामावरून परतले असता त्यांना त्यांची मुलगी बेपत्ता असल्याचे आढळून आले. तिचा शोध घेतला असता इमानविल तिला घेऊन गेल्याचे आढळून आले.

३. मुलीचे आई-वडील तातडीने इमारतीत गेले; मात्र आरोपीच्या खोलीला कुलूप होते. खोलीचा दरवाजा तोडला असता आत मुलीचा मृतदेह रक्ताच्या थारोळ्यात पडलेला आढळला.

४. घटनेची माहिती तात्काळ पोलिसांना देण्यात आली. पोलिसांनी अन्वेषण चालू केले  आणि मृतदेह शवविच्छेदनासाठी पाठवला, तसेच आरोपीच्या शोधासाठी एक पथक सिद्ध केले. पथकाला आरोपी हा बेगराजपूरजवळ असलेल्या जंगलात असल्याची माहिती मिळाली. चकमक करून त्याला पकडण्यात आले.