Kanpur Mayor Pramila Pandey : उत्तरप्रदेशातील कानपूरच्या महिला महापौरांनी मुसलमानबहुल भागातील बंद असलेली ३ मंदिरे उघडली !

कानपूर (उत्तरप्रदेश) – काही दिवसांपूर्वी कानपूरच्या महापौर प्रमिला पांडे यांनी शहरातील मुसलमानबहुल भागात गेल्या अनेक वर्षांपासून बंद असणारी हिंदूंच्या मंदिरे शोधली होती. त्यांना अशी ५ मंदिरे सापडली, तर संपूर्ण शहरात १०० हून अधिक मंदिरे आहेत, अशी आकडेवारी प्रशासनने दिली होती. ६ जानेवारी या दिवशी महापौर पांडे यांनी मुसलमानबहुल भागातील हिरामणपुरवा परिसरात जाऊन ३ शिवमंदिरे उघडली. या वेळी त्यांच्या समवेत पोलीसही होते. ही तिन्ही मंदिरे अनेक वर्षांपासून बंद होती. ती जीर्णावस्थेत आहेत. मंदिरातील मूर्ती खंडित स्थितीत आढळल्या, तर शिवलिंग गायब होते. ही मंदिरे आता स्वच्छ करून सुरक्षित करण्यात येणार असल्याचे महापौरांनी सांगितले. तसेच अतिक्रमण करणार्‍यांवर कायदेशीर कारवाई केली जाईल, असेही त्यांनी स्पष्ट केले.

🛕✨ Kanpur Mayor Pramila Pandey: A bold step forward!

The female mayor of Kanpur, Uttar Pradesh, re-opened 3 more temples 🙏 in Mu$l!m-majority areas despite opposition from religious leaders.

💪🧡 Let this serve as an inspiration for all leaders to protect and re-open temples… https://t.co/u3dgE2XgMK pic.twitter.com/Q9au5XDw5b

— Sanatan Prabhat (@SanatanPrabhat) January 6, 2025

महापौरांच्या मोहिमेला मुसलमान धर्मगुरूंचा विरोध

यापूर्वी महापौरांकडून मुसलमानबहुल भागांत मंदिरे शोधण्याच्या मोहिमेवर बंदी घालण्याची मागणी मुसलमान धर्मगुरूंनी पोलीस आयुक्तांकडे केली होती. यावर महापौर प्रमिला पांडे म्हणाल्या की, मी जे काही करत आहे ते सर्व कायद्याच्या चौकटीत राहून करत आहे.