Moradabad Cow Slaughter Beaten By Mob : मुरादाबाद (उत्तरप्रदेश) येथे गोहत्या करणार्‍याला जमावाकडून मारहाण

उपचार चालू असतांना मृत्यू

मुरादाबाद (उत्तरप्रदेश) – येथे गोहत्या करणार्‍या एका तरुणाला जमावाने पकडून केलेल्या मारहाणीत त्याचा उपाराच्या वेळी मृत्यू झाला. ही घटना ३० डिसेंबरला पहाटे  माढोळा पोलीस ठाण्याच्या हद्दीतील मंडी समितीत घडली. शाहिदीन असे मृताचे नाव आहे. तो असलतपुरा येथील रहिवासी होता. संपूर्ण परिसरात पोलीस बंदोबस्त तैनात करण्यात आला आहे. पोलिसांनी या प्रकरणी गुन्हा नोंदवला आहे. घटनेच्या व्हिडिओच्या आधारे लोकांची ओळख पटवली जात आहे.

A man accused of slaughtering cows beaten up by a mob in Moradabad (Uttar Pradesh).

Victim dies during treatment

This shows the anger and resentment inside the people about cow slaughter. The police and the administration should be vigilant on the matter and try to prevent cow… pic.twitter.com/Psq4k0oJfy

— Sanatan Prabhat (@SanatanPrabhat) December 31, 2024

१. मंडी समितीच्या आवारात काही लोक गायींची कत्तल करत असल्याची माहिती आजूबाजूच्या लोकांना मिळाली. त्यामुळे परिसरातील नागरिकांची तेथे गर्दी झाली. गोहत्या करणार्‍या ४ जणांपैकी ३ जण पळून गेले, तर शाहिदीन जमावाच्या कह्यात सापडला. त्याला जमावाने चांगलाच चोप दिला. या घटनेची माहिती मिळताच पोलीस तेथे पोचले आणि शाहिदीन याला जमावाच्या तावडीतून सोडवून रुग्णालयात भरती केले. तेथे उपचार चालू असतांना त्याचा मृत्यू झाला.

२. स्थानिक लोक म्हणाले की, मंडी समितीच्या आवारात यापूर्वीही गोहत्येच्या घटना घडल्या आहेत. गोहत्या होत असल्याचे पाहून जमाव नियंत्रणाबाहेर गेला.