‘साधकत्ववृद्धी शिबिरा’साठी रामनाथी (गोवा) येथील सनातनच्या आश्रमात गेल्यावर साधिकांना आलेल्या अनुभूती !

गोवा येथील सनातनचा चैतन्यमय रामनाथी आश्रम

१. सौ. सुवर्णा साळुंखे (आध्यात्मिक पातळी ६४ टक्के, वय ६३ वर्षे), जळगाव

१ अ. चित्रीकरण कक्षात गेल्यावर आलेल्या अनुभूती

१. ‘मला शांत वाटले आणि माझ्याकडून मनोमन कृतज्ञता व्यक्त होत होती.

२. प.पू. गुरुदेवांना (सच्चिदानंद परब्रह्म डॉ. आठवले यांना) प्रार्थना केल्यावर मला चित्रीकरण कक्षाची समोरची भिंत गुलाबी रंगाची दिसली.

१ आ. रामनाथी आश्रमातील दुसर्‍या मजल्यावरच्या आगाशीच्या लादीवर पाय ठेवल्यावर मला लादी पुष्कळ मऊ वाटली.

१ इ. दुसर्‍या मजल्यावरील भिंतीवरून हात फिरवल्यावर ‘श्वासोच्छ्वास करतांना जसे ठोके जाणवतात’, तसे ठोके जाणवले.’

२. सौ. वंदना कलोडे, वर्धा

अ. ‘आश्रमातील स्वागतकक्षात असलेल्या श्रीकृष्णाच्या चित्राचे दर्शन घेतांना मला जाणवले, ‘श्रीकृष्णाच्या सुदर्शनचक्रातून तेजतत्त्व प्रक्षेपित होत आहे आणि त्या तेजतत्त्वाचे संपूर्ण आश्रमाभोवती वलय आहे.’

आ. ध्यानमंदिरात गेल्यावर ‘श्रीकृष्णाचे सुदर्शनचक्र सतत फिरत आहे’, असे मला जाणवले. तेव्हा माझा नामजप चालू झाला.

इ. प.पू. भक्तराज महाराज यांच्या छायाचित्राकडे पाहिल्यावर मला शांत वाटू लागले.

ई. शिबिरातील तीनही दिवस मला सूक्ष्मातून विराट रूपातील प.पू. गुरुदेवांचे अस्तित्व जाणवले.’

(सर्व सूत्रांचा दिनांक : २१.१.२०२४)

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक