J & K Terror Attack : पुलवामा (जम्मू-काश्मीर) येथे आतंकवाद्यांचे आक्रमण – १ कामगार घायाळ !

जम्मू (जम्मू-काश्मीर) : जिहादी आतंकवाद्यांनी पुलवामा जिल्ह्यातील त्राल भागात २४ ऑक्टोबरच्या सकाळी उत्तरप्रदेशाच्या एका कामगारावर गोळीबार केला. यात प्रीतम सिंह नावाचा कामगार घायाळ झाल्याचे वृत्त आहे. त्याच्यावर रुग्णालयात उपचार चालू असून त्याची प्रकृती धोक्याबाहेर आहे.

त्राल भागातील बटागुंड गावात आतंकवाद्यांनी हे आक्रमण केले. याआधी २० ऑक्टोबरला आतंकवाद्यांनी गंदरबलमधील श्रीनगर-लेह महामार्गावर सोनमर्गजवळील गगनगीर भागात ‘झेड मोड’ बोगदा बांधणार्‍या स्थलांतरित कामगारांवर आक्रमण केले होते. त्यात १ डॉक्टर आणि ६ मजूर ठार झाले होते.