पुणे शहराला पाणीपुरवठा करणारी पाचही धरणे पूर्ण क्षमतेने भरली !

पुणे – सध्‍या पुणे शहर आणि जिल्‍ह्यात परतीचा जोरदार पाऊस पडत आहे. धरण क्षेत्रातही मुसळधार पाऊस होत असल्‍याने पुणे शहरासह पिंपरी-चिंचवड शहरांना पाणीपुरवठा करणारी पाचही धरणे पूर्ण क्षमतेने भरली आहेत. त्‍यामुळे नदीपात्रात विसर्ग वाढवण्‍यात येणार असून नदीकाठच्‍या लोकांनी सावध रहावे, अशी चेतावणी जलसंपदा विभागाने दिली आहे. २४ ते २९ सप्‍टेंबर या कालावधीत हवामान विभागाने अतीवृष्‍टीची चेतावणी दिल्‍यामुळे मुळा आणि पवना नदीपात्रात मोठ्या प्रमाणात विसर्ग होण्‍याची शक्‍यता आहे.