मुंबई – राज्यशासनाच्या स्वमालकीच्या आणि विजेची सुविधा नसलेल्या ३६ सहस्र ९७८ अंगणवाड्यांना सौर ऊर्जा देण्याचा महत्त्वाचा निर्णय ५ सप्टेंबर या दिवशी मंत्रीमंडळाच्या बैठकीत घेण्यात आला. मुख्यमंत्री एकनाथ शिंदे यांच्या अध्यक्षतेखाली आणि उपमुख्यमंत्री देवेंद्र फडणवीस, उपमुख्यमंत्री अजित पवार यांसह अन्य मंत्र्यांच्या उपस्थितीत ही बैठक पार पडली.
या अंगणवाड्यांना १ किलो वॅट क्षमतेचे पारेषण विरहित सौर संच आणि बॅटरी टप्प्याटप्प्याने देण्यात येणार आहेत. महाऊर्जा विभागाद्वारे ही कार्यवाही होणार आहे. यासाठी ५६४ कोटी रुपये व्यय करण्यास शासनाने संमती दिली आहे.
पुणे-छत्रपती संभाजीनगर राष्ट्रीय महामार्गाची सुधारणा करणार !
पुणे-शिरूर-अहिल्यानगर-छत्रपती संभाजीनगर राष्ट्रीय महामार्गाची सुधारणा करण्याचा निर्णयही मंत्रीमंडळाच्या बैठकीत घेण्यात आला. पुणे ते शिरूर हा ५३ किलोमीटरचा मार्ग ६ पदरी करण्यात येणार आहे. ‘एम्.एस्.आय.डी.सी.’कडून हे काम केले जाणार आहे. यासाठी ७ सहस्र ५१५ कोटी रुपये व्यय अपेक्षित आहे. शिरूर-अहिल्यानगर बाह्यवळण रस्ता मार्गे छत्रपती संभाजीनगर हा सध्याचा रस्ता सुधारण्यासाठी २ सहस्र ५० कोटी रुपये व्यय अपेक्षित आहे. यासह अमरावती येथे नवीन मत्स्य विज्ञान महाविद्यालयाला मंत्रीमंडळामध्ये संमती देण्यात आली. यासह अन्य काही निर्णय मंत्रीमंडळाच्या बैठकीत घेण्यात आले.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !