मां श्री चामुंडामातेच्यामूर्तीसमोर २ बुरखाधारी महिलांनी फेकले मांस !

मुरादाबाद (उत्तरप्रदेश) : जिल्ह्यातील पैगंबरापूर सुखवासीलाल नावाच्या गावात मां श्री चामुंडामातेचे मंदिर असून ते परिसरातील सर्व हिंदूंचे मुख्य श्रद्धास्थान आहे. या मंदिरात दोन बुरखाधारी महिला आणि एक अज्ञात पुरुष यांनी मांस फेकल्याची घटना समोर आली आहे. संतप्त ग्रामस्थांनी ही घटना धार्मिक भावना दुखावणारी असल्याचे सांगत या प्रकरणी कठोर कारवाईची मागणी केली आहे. या वेळी बजरंग दलाच्या कार्यकर्त्यांनी या घटनेचा निषेध केला. पोलिसांनी या प्रकरणी गुन्हा नोंदवून तपास चालू केला आहे.

Meat thrown by 2 burqa-clad women in front of the Murti at Maa Chamunda Devi Mandir

📍Paigambarpur village (Uttar Pradesh)

Pro-Hindu organisations protest

When will we realise that until such villages are renamed ‘Rampur’, such incidents will continue unabated?

Whether… pic.twitter.com/n0TlR7rD1Z

— Sanatan Prabhat (@SanatanPrabhat) August 19, 2024

गावातील श्री चामुंडामाता मंदिरात १६ ऑगस्टच्या दिवशी श्री चामुंडामातेच्या मूर्तीसमोरच मांसाचे तुकडे आढळून आले. हे मांस कोंबडीचे असल्याचे सांगितले जात आहे. याआधीही याच मंदिरातून घंटा चोरीला गेल्या होत्या आणि मूर्तीही फोडल्या गेल्याचे सांगण्यात येत आहे.

या घटनेनंतर मंदिराचा व्हिडिओही सामाजिक माध्यमांत मोठ्या प्रमाणात प्रसारित झाला. या व्हिडिओमध्ये मंदिराच्या मुख्य प्रवेशद्वारावर मांसाच्या तुकड्यांसह भूमीवर रक्त उडाल्याचेही दिसत आहे.