Chikmagalur Dattatreya Peetha : चिक्कमगळुरू (कर्नाटक) येथील दत्तपीठामध्ये २२ जानेवारीला रामतारक होम करण्यास प्रशासनाकडून निर्बंध !

चिक्कमगळुरू (कर्नाटक) – अयोध्या येथे २२ जानेवारीला श्रीराममंदिरात श्रीरामललाच्या मूर्तीची प्राणप्रतिष्ठा होत असतांना चिक्कमगळुरू येथील इनाम दत्तात्रेय पीठ येथे रामतारक होमाची सिद्धता करण्यात आली होती; परंतु होम करण्यास निर्बंध घालण्यात आले. येथील  यज्ञशाळेला टाळे ठोकण्यात आले आहे. इनाम दत्तात्रेय दर्ग्याच्या समीप यज्ञशाळा असून २२ जानेवारीला विशेष पूजेची सिद्धता करण्यात आली होती; परंतु  शेवटच्या क्षणी जिल्हा प्रशासनाने रामतारक होम करण्यावर निर्बंध घातला असून याविषयी व्यवस्थापन समितीने अप्रसन्नता व्यक्त केली आहे.