S Jaishankar : भारत आता एक गालावर चापट खाल्ल्यानंतर दुसरा गाल पुढे करणारा राहिलेला नाही !

परराष्ट्रमंत्री डॉ. एस्. जयशंकर यांची स्पष्टोक्ती !

नवी देहली – भारत आता एका गालावर चापट खाल्ल्यानंतर दुसरा गाल पुढे करण्याच्या मानसिकतेमध्ये राहिलेला नाही, तर जशास तसे उत्तर देण्यासाठी तो सिद्ध झाला आहे, असे विधान भारताचे परराष्ट्रमंत्री डॉ. एस्. जयशंकर यांनी एका कार्यक्रमात केले.

#WATCH | On terrorism, EAM Dr S Jaishankar says, “…Terrorism started at the moment of our independence when so-called raiders came from across Pakistan…What has changed in this country today, I think the Mumbai 26/11, to me, was the tipping point. A lot of people were very… pic.twitter.com/Kz8ujVgqPB

— ANI (@ANI) December 23, 2023

डॉ. एस्. जयशंकर म्हणाले की, मला वाटते आज देशामध्ये पालट होत आहे. विशेष करून मुंबईतील २६/११ च्या आक्रमणानंतर त्याच्या मानसिकतेत पालट झाला आहे. काही जण म्हणतात, ‘एका गालावर चापट खाल्ल्यानंतर दुसरा गाल पुढे करणे, ही एक चांगली रणनीती आहे.’ मला नाही वाटत की, देश आता अशा प्रकारचा विचार करतो. जर भारताच्या सीमेमध्ये कुणी आतंकवादी कारवाया करत असेल, तर त्याला उत्तर दिलेच पाहिजे, त्यासाठी पैसे खर्च करावेच लागणार आहेत.