Jammu Kashmir Infiltration : काश्मीरमधील अखनूर सेक्टरमध्ये घुसखोरी करण्याचा आतंकवाद्यांचा प्रयत्न !

जम्मू (जम्मू-काश्मीर) – जम्मू-काश्मीरमधील अखनूरच्या आय.बी. सेक्टरमध्ये जिहादी आतंकवाद्यांनी घुसखोरी करण्याचा केलेला प्रयत्न भारतीय सैन्याने उघळून लावला. यात १ आतंकवादी ठार झाला. अन्य ३ आतंकवाद्यांनी या आतंकवाद्याचा मृतदेह घेऊन पलायन केले. काश्मीरमधील पुंछ आणि राजोरी सेक्टर येथे २५ ते ३०  पाकिस्तानी आतंकवादी सक्रीय असल्याचा संशय आहे. ते येथील जंगलांमध्ये आणि गुहांमध्ये लपले आहेत. चीन आणि पाकिस्तान हे या आतंकवाद्यांना भारतात कारवाया करण्यासाठी पाठवत असल्याचे सूत्रांचे म्हणणे आहे. यामुळे भारतीय सैन्याचे लक्ष लडाखपासून दूर होईल आणि चीनला त्याचा अपलाभ घेता येईल.