पुणे येथे पूर नियंत्रण कक्षात कर्मचारी नियुक्त नाही !

  पुणे – मागील वर्षी खडकवासला धरणातून सोडलेल्या पाण्याची जलसंपदा विभागाने पूर्वकल्पना न दिल्याने घरांमध्ये पाणी शिरल्याचा आरोप झाला. या पार्श्वभूमीवर जलसंपदा विभागाच्या पूर नियंत्रण कक्षात पालिकेचे कर्मचारी २४ घंटे नियुक्त करण्याचा निर्णय घेतला होता. मनुष्यबळ उपलब्ध करून देण्यासाठी पाटबंधारे विभागाने पत्र दिले होते; मात्र पालिकेने नियुक्ती केली नाही. पाटबंधारे विभागाने कनिष्ठ अभियंता दर्जाच्या कर्मचार्‍यांची नियुक्तीची मागणी केली आहे. त्यामुळे पूरस्थितीची माहिती वेळेत पोचेल; मात्र पालिकेने कर्मचारी नियुक्त केले नाहीत.  (पाटबंधारे विभाग आणि महापालिका यांच्यात समन्वय नसल्याचा फटका एकता नगरीतील नागरिकांना सहन करावा लागत आहे. यावर तातडीने कार्यवाही होणे अपेक्षित आहे. – संपादक)