ओझर येथे होणार्‍या ‘महाराष्ट्र मंदिर न्यास परिषदे’च्या निमित्ताने अमरावती येथे पत्रकार परिषद

अमरावती जिल्ह्यातून ४४ हून अधिक मंदिर विश्वस्त होणार सहभागी

अमरावती – २ आणि ३ डिसेंबर या दिवशी ओझर येथे मंदिर संस्कृतीच्या रक्षणार्थ द्वितीय ‘महाराष्ट्र मंदिर न्यास परिषद’ आयोजित करण्यात आली आहे. त्याची माहिती देण्यासाठी येथील श्री महाकाली शक्तीपीठ येथे मंदिर महासंघ आणि हिंदु जनजागृती समिती यांच्या वतीने पत्रकार परिषद घेण्यात आली. या परिषदेला अमरावती जिल्ह्यातील विविध मंदिरांचे ४४ हून अधिक विश्वस्त आणि प्रतिनिधी सहभागी होणार असल्याची माहिती या परिषदेमधून देण्यात आली. या परिषदेला महाकाली शक्तीपिठाचे पीठाधिश्वर १००८ श्री शक्तीजी महाराज, हिंदु जनजागृती समितीचे श्री. नीलेश टवलारे, मंदिर महासंघाचे श्री. अनुप जयस्वाल, श्री. विनित पाखोडे, श्री. आशिष मारूडकर उपस्थित होते.