‘स्‍पीकर’चा आवाज न्‍यून करण्‍यास सांगितल्‍याने मारहाण !
पुणे – हडपसर येथील मांजरी भागात श्री गणेशमूर्ती विसर्जन मिरवणुकीत ‘स्‍पीकर’चा (ध्‍वनीवर्धकाचा) आवाज मोठा असल्‍याने बाळासाहेब घुले आणि त्‍यांचे कुटुंबीय यांनी आवाज न्‍यून करण्‍यास सांगितले. त्‍यामुळे आरोपी हर्षल घुले, स्‍वप्‍नील कुचेकर आणि कैलास घुले यांनी चिडून बाळासाहेब घुले, त्‍यांचे कुटुंबीय अन् शेजारी यांना शिवीगाळ केली, तसेच स्‍पीकरचा आवाजही न्‍यून केला नाही. त्‍या वेळी बाळासाहेब घुले यांनी पोलीस नियंत्रण कक्षात तक्रार केली. पोलीस घटनास्‍थळी येऊन कार्यकर्त्‍यांना समज देऊन निघून गेले. यानंतर आरोपींनी शिवीगाळ करत बाळासाहेब घुले यांना लाकडी दांडक्‍याने बेदम मारहाण केली आणि दांडके उगारून परिसरात दहशत माजवली. या प्रकरणी पोलिसांनी हर्षल घुले याला अटक केली असून, साथीदारांविरुद्ध गुन्‍हा नोंद करण्‍यात आला आहे. साहाय्‍यक पोलीस निरीक्षक दाभाडे या प्रकरणाचे अन्‍वेषण करत आहेत. (यातून गणेशोत्‍सवात मंडळाच्‍या कार्यकर्त्‍यांनाही धर्मशिक्षण देण्‍यासह उत्‍सव धार्मिकदृष्‍ट्या कसा साजरा करावा ? याचे प्रबोधन करणे आवश्‍यक आहे, हे लक्षात येते. – संपादक)
महायुतीमध्ये असलो तरी शाहू, फुले, आंबेडकर यांची विचारधारा सोडली नाही ! – अजित पवार, उपमुख्यमंत्री
सध्याच्या निवडणुका विकास विरुद्ध विद्वेष अशा होत आहेत ! – डॉ. नीलम गोर्हे, उपसभापती, विधान परिषद
मावळमधील (पुणे) ‘वंचित’च्या उमेदवारासह निवडणूक आयोगाची नोटीस !
विभागीय भरारी पथकाद्वारे जिल्ह्यात ८६ सहस्र ३५९ रुपयांचा अवैध साठा जप्त !
पुणे येथे पथारी व्यावसायिकांकडे ५६ कोटी रुपयांची थकबाकी !
पुणे येथे भविष्य निर्वाह निधीमध्ये ९ कोटी रुपयांचा अपहार !