इस्लाम स्वीकार, अन्यथा तुझ्या मुलीची विक्री करणार ! – अभियंता सैय्यद इम्तियाज याची हिंदूला धमकी

इंदूर (मध्यप्रदेश) – इस्लाम स्वीकार, अन्यथा तुझ्या मुलीची विक्री करणार, अशी धमकी अभियंता सैय्यद इम्तियाज याने एका हिंदूला दिली. इम्तियाज हा भाग्यनगर (हैद्राबाद) येथील ‘माहिती आणि तंत्रज्ञान (आयटी)’ आस्थापनात अभियंता आहे. या प्रकरणी दयाराम गौर यांनी इम्तियाजविरुद्ध विजयनगर पोलिसांत तक्रार प्रविष्ट केली असून पोलिसांनी त्याला अटक केली आहे.

इंदूर येथे रहाणारी सदर हिंदु युवती नोकरीसाठी भाग्यनगर येथे गेली होती. तेथे तिची इम्तियाजशी ओळख झाली. त्यानंतर दोघांनी विवाह केला. तथापि गौर यांनी तक्रारीत म्हटले आहे की, इम्तियाजने त्यांच्या मुलीला बंधक बनवून तिच्याशी विवाह केला. आता तो २ लाख रुपये मागत आहे. एवढेच नव्हे, तर त्याने मुलीची अश्‍लील छायाचित्रे आणि व्हिडिओ प्रसारित करण्याची धमकी देत गौर यांच्या सर्व कुटुंबालाच धर्मांतर करण्याची धमकी दिली. धर्मांतर न केल्यास मुलीला विकण्याची धमकी त्याने दिली.