राष्ट्रीय राजपूत करणी सेनेच्या वतीने हिंदु धर्मावरील आघात रोखण्याचे कार्य चालू ! – मनोहर सिंह घोडीवारा, प्रदेशाध्यक्ष, राष्ट्रीय राजपूत करणी सेना, राजस्थान

रामनाथी, २२ जून (वार्ता.) – राष्ट्रीय राजपूत करणी सेनेच्या वतीने हिंदु धर्मावरील आघात रोखण्याचे कार्य चालू आहे. पद्मावती चित्रपटामध्ये आई पद्मावती यांचा अवमान केला; म्हणून या चित्रपटाचा कोल्हापूर येथे उभारलेला सेट राष्ट्रीय राजपूत करणी सेनेने उद्ध्वस्त केला होता.
नॅशनल कॉन्फरन्स या फुटीरतावादी पक्षाचे नेते फारूक अब्दुल्ला यांचे आव्हान स्वीकारून आम्ही  काश्मीरमधील लाल चौकात तिरंगा फडकवला.

आम्ही धर्मासाठी सर्वकाही करायला सिद्ध आहोत, असे उद्गार राजस्थान येथील राष्ट्रीय राजपूत करणी सेनेचे प्रदेशाध्यक्ष मनोहर सिंह घोडीवारा यांनी काढले. ते वैश्विक हिंदु राष्ट्र महोत्सवाच्या सप्तम दिनी उपस्थितांना संबोधित करत होते.