द्यावे अक्षय्यतेचे वरदान ।

परात्पर गुरुदेवांची कृपादृष्टी ।
पडली अवघ्या जिवांवरी ।।

चैतन्यात न्हाली अवघी सृष्टी ।
परात्पर गुरुदेव कृपे ।। १ ।।

अक्षय्य कृपेचे छत्र धरून ।
उद्धरी जिवा भवसागरातून ।।

नेऊनी ठेवी पावन चरणां ।
कृतज्ञ लक्ष्मीरमणा ।। २ ।।

चरणप्राप्तीचा अखंड ध्यास ।
राहो अविरत निज मनात ।।

समर्पित होवो प्रत्येक श्वास ।
क्षणोक्षणी गुरुस्मरणात ।। ३ ।।

प्रार्थितो या शुभदिनी ।
द्यावे अक्षय्यतेचे वरदान ।।

कदापी न पडो विसर ।
तुमच्या परम कृपेचा ।। ४।।

प्रार्थना एकच श्री गुरुचरणी ।
वास करावा मम अंतःकरणी ।।

मुक्त करावे भवबंधातून ।
देऊनी चरणी ध्रुवासम स्थान ।। ५ ।।

– डॉ. श्रीपाद व्यंकटेश पेठकर (वय ६१ वर्षे), पंढरपूर (३.५.२०२२)