सनातन प्रभात > Post Type > बातम्या > आंतरराष्ट्रीय बातम्या > तुर्कीयेतील भूकंपामुळे ५ सहस्रांहून अधिक लोकांचा मृत्यू

तुर्कीयेतील भूकंपामुळे ५ सहस्रांहून अधिक लोकांचा मृत्यू

तुर्कीयेमध्ये आणीबाणी घोषित

अंकारा (तुर्कस्थान) – तुर्कीयेमध्ये झालेल्या भूकंपामध्ये आतापर्यंत तुर्कीये आणि सीरिया या देशांत ५ सहस्रांहून अधिक लोकांचा मृत्यू झाला आहे, तर १५ सहस्रांहून अधिक लोक घायाळ झाले आहेत. गेल्या २४ घंट्यांत तुर्कीयेमध्ये ४ वेळा भूकंपाचे मोठे धक्के जाणवले. यात आतापर्यंत १० शहरांतील २ सहस्रांहून अधिक इमारती कोसळल्या आहेत. सीरियामध्ये कमीत कमी ७८३ जण ठार झाले आहेत, तर ६३९ जण घायाळ झाले आहेत. तुर्कीयेने देशात आणीबाणी घोषित केली आहे.

भारताकडून साहाय्य

भारताने तुर्कीयेला सर्व प्रकारचे साहाय्य करण्याचे आश्वासन दिले आहे. भारताच्या राष्ट्रीय आपत्ती व्यवस्थापन दलाच्या २ तुकड्या तुर्कीयेला पोचल्या आहेत. त्यांच्या समवेत एक श्वान पथकही आहे.

नूतन लेख