कोल्‍हापूर – मिरज-पुणे मार्गावर कोरेगाव ते सातारा या दरम्‍यान दुहेरीकरणाचे काम चालू आहे. त्‍यामुळे कोल्‍हापूर-पुणे आणि कोल्‍हापूर-सातारा या दोन पॅसेंजर रेल्‍वे २ मार्चपर्यंत रहित करण्‍यात आल्‍या आहेत. या दोन्‍ही गाड्या नोकरदार, विद्यार्थी, व्‍यापारी, तसेच सर्वसामान्‍य नागरिक यांच्‍यासाठी महत्त्वाच्‍या आहेत. या गाड्या रहित झाल्‍याने आता प्रवाशांना महालक्ष्मी एक्‍सप्रेस, महाराष्‍ट्र एक्‍सप्रेस, तसेच कोल्‍हापूर-कलबुर्गी एक्‍सप्रेस याच गाड्या उपलब्‍ध आहेत. याचसमवेत कोल्‍हापूर-हरिप्रिया ही रेल्‍वेगाडी ५ फेब्रुवारीपासून पुढील ८ दिवस बेळगाव येथून सुटणार आहे. यामुळे प्रवाशांचे पुष्‍कळ हाल होणार आहेत. तरी अनेक प्रवासी संघटनांनी या पॅसेंजर गाड्या किमान मिरज किंवा कराड येथपर्यंत सोडाव्‍यात, अशी मागणी केली आहे.
मिरज-लोंढा मार्गावरील पॅसेंजर गाड्याही १३ फेब्रुवारीपर्यंत रहित !
मिरज-लोंढा मार्गावर घटप्रभा, गोकाक रोडदरम्‍यान रेल्‍वे मार्गाच्‍या दुहेरीकरणासाठी मिरज-हुबळी, मिरज-कॅसरलॉक पॅसेंजर रेल्‍वे १३ फेब्रुवारीपर्यंत रहित करण्‍यात आल्‍या आहेत. याचसमवेत अजमेर-म्‍हैसूर, बेंगळुरू-अजमेर, जोधपूर-बेंगळुरू, निजामुद्दीन-म्‍हैसूर, गांधीधाम-बेंगळुरू या रेल्‍वे गाड्या मिरजेतून पंढरपूर, सोलापूर, होटगीमार्गे वळवण्‍यात आल्‍या आहेत. एर्नाकुलम्-पुणे एक्‍सप्रेस ६ फेब्रुवारीला पनवेलमार्गे पुण्‍याच्‍या दिशेने धावेल. ही गाडी मिरज येथून जाणार नाही. हजरत निजामुद्दीन-म्‍हैसूर स्‍वर्णजयंती एक्‍सप्रेस ६ फेब्रुवारीला दौंड, सोलापूर, होटगी, गदगमार्गे धावेल. ही गाडी पुणे, सातारा, कराड, सांगली, मिरज येथे येणार नाही. याशिवाय अन्‍य गाड्यांचे मार्गही वळवण्‍यात आले आहेत.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्‍हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्‍हापूर येथील श्री महालक्ष्मीदेवीची करण्‍यात आलेली विशेष रूपातील पूजा !