फौजदारी गुन्हाही नोंद होणार !
मुंबई – या वर्षी १० वी आणि १२ वीच्‍या परीक्षेचे नियम कडक करण्‍यात आले आहेत. परीक्षेच्‍या प्रश्‍नपत्रिकांची चोरी करणे, प्रश्नपत्रिका मिळवणे, विकणे आणि विकत घेतल्‍यास किंवा भ्रमणभाषसंच अन्‍य इलेक्‍ट्रॉनिक्‍स माध्‍यमांवर प्रसारित केल्‍यास परीक्षार्थी विद्यार्थ्‍याची परीक्षा रहित करण्‍याचा निर्णय घेण्‍यात आला आहे. विद्यार्थ्‍यास पुढील ५ वर्षांच्‍या परीक्षांना प्रतिबंध करण्‍यात येणार आहे, तसेच परीक्षार्थ्‍याविरुद्ध फौजदारी गुन्हाही नोंद करण्‍यात येणार आहे.
SSC-HSC Exam: दहावी बारावीची प्रश्नपत्रिका मोबाईलवर फॉरवर्ड कराल तर पाच वर्षे परीक्षेला मुकाल, फौजदारी गुन्हाही होणार दाखल https://t.co/kZuUvu5FX5 #sscexam #hscexam #maharashtranews @KrishnaABP
— ABP माझा (@abpmajhatv) February 3, 2023
इयत्ता १२ वीची परीक्षा २१ फेब्रुवारी ते २१ मार्च या कालावधीत, तर इयत्ता १० वीची परीक्षा २ ते २५ मार्च या कालावधीत घेतली जाणार आहे. या परीक्षेसाठी माध्‍यमिक आणि उच्‍च माध्‍यमिक शिक्षण मंडळाकडून संपूर्ण सिद्धता करण्‍यात आली आहे; मात्र गेल्‍या २ वर्षांत झालेल्‍या परीक्षांच्‍या अनेक नियमांत यंदा पालट करण्‍यात आला आहे. समवेतच कॉपीमुक्‍त परीक्षा घेण्‍यासाठी काही कठोर नियमावलीही घोषित करण्‍यात आली आहे. मागील २ वर्षांत कोरोनाची परिस्‍थिती पहाता माध्‍यमिक आणि उच्‍च माध्‍यमिक शिक्षण मंडळाकडून विद्यार्थ्‍यांसाठी काही पालट करत सूट देण्‍यात आली होती; मात्र आता या नियमात मंडळाने पालट करून पूर्वीप्रमाणे परीक्षा घेण्‍याचा निर्णय घेतला आहे.
संपादकीय भूमिका
|
प्रक्षोभक वक्तव्यावरून आमदार नीतेश राणे आणि गीता जैन यांवर गुन्हा नोंद !
रायगड जिल्ह्यात १७ ठिकाणी सामूहिक गदापूजन !
हिंदु जनजागृती समितीच्या वतीने मुंबई आणि पालघरमध्ये २० ठिकाणी गदापूजन !
ठाणे जिल्ह्यात हनुमान जयंतीनिमित्त सनातन संस्थेच्या वतीने व्यापक धर्मप्रसार !
महाराष्ट्रातील लोकांनी स्वभाषाभिमान जोपासायला हवा !
‘महाराष्ट्रदिन’ साजरा का केला जातो ?