उच्‍च लोकातून पृथ्‍वीवर जन्‍माला आलेली दैवी (सात्त्विक) बालके म्‍हणजे पुढे हिंदु राष्‍ट्र चालवणारी पिढी ! चि. श्रीनिधी हरीश पिंपळे ही या पिढीतील एक आहे !
माघ शुक्‍ल त्रयोदशी (३.२.२०२३) या दिवशी देवद (पनवेल) येथील सनातनच्‍या आश्रमातील चि. श्रीनिधी हरीश पिंपळे हिचा ५ वा वाढदिवस आहे. त्‍यानिमित्त सनातनच्‍या ६९ व्‍या संत पू. (सौ.) अश्विनी अतुल पवार यांनी टिपलेला तिच्‍यातील संतांविषयीच्‍या भावाविषयीचा प्रसंग पुढे दिला आहे.
चि. श्रीनिधी पिंपळे हिच्‍या ५ व्‍या वाढदिवसानिमित्त सनातन परिवाराच्‍या वतीने अनेक शुभाशीर्वाद !
‘डिसेंबर २०२२ मध्‍ये एकदा मी देवद (पनवेल) येथील सनातनच्‍या आश्रमातील भोजनकक्षात महाप्रसाद ग्रहण करत होते. आम्‍ही ज्‍या पटलावर महाप्रसाद घेण्‍यासाठी बसलो होतो, तिथे आश्रमातील काही साधिका आणि सौ. मनीषा हरीश पिंपळे (वय २८ वर्षे) याही बसल्‍या होत्‍या. तिथून थोड्याच अंतरावर सौ. मनीषा पिंपळे यांची ५ वर्षांची मुलगी चि. श्रीनिधी एका खेळण्‍यासह खेळत होती. त्‍या खेळण्‍याला असलेली किल्ली फिरवल्‍यावर ते चालू होत होते.
ती खेळत असतांना आश्रमातील पू. उमेशअण्‍णा (सनातनचे १७ वे संत पू. उमेश शेणै, वय ७३ वर्षे) तिच्‍या जवळ गेले. त्‍यांनी तिच्‍या खेळण्‍याला असलेली किल्ली फिरवली. त्‍यामुळे ते खेळणे गतीने चालू लागले. ते पाहून तिला पुष्‍कळ आनंद झाला. ती आनंदाने उड्या मारत मारत तिच्‍या आईकडे आली. त्‍या वेळी ‘किल्ली फिरवल्‍यावर खेळणे गतीने चालू झाले; म्‍हणून तिला आनंद झाला असावा’, असे आम्‍हाला वाटले; परंतु ती तिच्‍या आईला सांगू लागली, ‘‘आई, या खेळण्‍याला संतांनी हात लावला आहे. त्‍यामुळे याच्‍यात आता चैतन्‍य आले आहे.’’
५ वर्षांच्‍या श्रीनिधीच्‍या बोलण्‍यातील संताप्रतीचा भाव पाहून मी थक्‍क झाले. ‘ही बालके दैवी का आहेत ?’, याची या प्रसंगातून प्रचीती आली आणि माझ्‍याकडून गुरुदेवांच्‍या (सच्‍चिदानंद परब्रह्म डॉ. आठवले यांच्‍या) चरणी कृतज्ञता व्‍यक्‍त झाली.’
– (पू.) सौ. अश्विनी अतुल पवार (सनातनच्‍या ६९ व्‍या संत, वय ३३ वर्षे), सनातन आश्रम, देवद, पनवेल. (२.१.२०२३)
| या अंकात प्रसिद्ध करण्‍यात आलेल्‍या अनुभूती या ‘भाव तेथे देव’ या उक्‍तीनुसार साधकांच्‍या वैयक्‍तिक अनुभूती आहेत. त्‍या सरसकट सर्वांनाच येतील असे नाही. – संपादक |
भगवंताचे मानवी जीवनातील अद्वितीय महत्त्व !
सद्गुरु डॉ. मुकुल गाडगीळ यांनी सांगितलेले नामजपादी उपाय करून तीव्र आध्‍यात्मिक त्रासावर मात करणार्या कु. मधुरा चतुर्भुज !
रामनाथी (गोवा) येथील सनातनच्‍या आश्रमात आल्यावर सेवेच्या माध्यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्‍या सेवेसाठी गेल्यावर लक्षात आलेली सूत्रे आणि आलेली अनुभूती
रामनाथी, गोवा येथील सनातनच्‍या आश्रमात ‘साधकत्व वृद्धी’ शिबिरात सहभागी झालेल्या धर्मप्रेमींना आलेल्‍या अनुभूती
‘सच्‍चिदानंद परब्रह्म डॉ. आठवले यांचे ‘वयाच्या ८० व्‍या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती