पुणे – बागेश्‍वर धाम पिठाचे पिठाधीश्‍वर धीरेंद्र कृष्‍ण शास्‍त्री महाराज म्‍हणजेच बागेश्‍वर बाबा सध्‍या त्‍यांनी केलेल्‍या विधानामुळे चर्चेत आहेत. संतश्रेष्‍ठ तुकाराम महाराज यांच्‍या संदर्भात त्‍यांनी केलेल्‍या विधानामुळे नवा वाद निर्माण होण्‍याची शक्‍यता आहे. ‘संत तुकाराम महाराज महाराष्‍ट्राचे असे महात्‍मा होते, ज्‍यांची पत्नी त्‍यांना प्रतिदिन काठीने मारत होती. या संदर्भात प्रश्‍न विचारल्‍यावर’ मारणारी पत्नी मिळाल्‍यामुळे मी देवावर प्रेम करू शकलो’ अशा आशयाचा व्‍हिडिओ सध्‍या प्रसारमाध्‍यमांवर प्रसारित होत आहे. यावर देहू संस्‍थांचे विश्‍वस्‍त माणिक महाराज मोरे यांनी ‘संतांच्‍या संदर्भात चुकीचे वक्‍तव्‍य करू नका. सविस्‍तर माहिती घ्‍या आणि मगच बोला. वारकरी संप्रदाय सहिष्‍णु आहे. त्‍यामुळे मी त्‍यांना (बागेश्‍वर बाबा) क्षमा करतो; मात्र संतांवर कुणी काही बोलू नये यासाठी कायदा करावा. जेणेकरून अशा गोष्‍टींना पायबंद बसेल’, असे सांगितले. ‘धीरेंद्र शास्‍त्री यांनी जगद़्‍गुरु तुकाराम महाराज यांच्‍या संदर्भात चुकीचा संदर्भ दिला आहे. त्‍यामुळे केवळ वारकरी संप्रदायाचा नाही, तर संपूर्ण महाराष्‍ट्राचा अपमान झाला आहे. त्‍यांनी लवकरात लवकर जगद़्‍गुरु संत तुकाराम महाराज यांची क्षमा मागावी’, अशी मागणी भाजपचे आध्‍यात्मिक आघाडीचे आचार्य तुषार भोसले यांनी केली आहे.
संपादकीय भूमिकासध्या कुणीही उठतो आणि हिंदु धर्म, संस्‍कृती, संत, परंपरा यांच्‍यावर वाटेल ते बोलतो. हिंदु संघटित नसल्‍यामुळेच असे होत आहे. सर्वत्रच्‍या हिंदूंनी संघटित होऊन आपली ताकद दाखवल्‍यास कुणाचेही असे वक्‍तव्‍य करण्‍याचे धाडस होणार नाही. |
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
वैकुंठचतुर्दशीच्या निमित्ताने कोल्हापूर येथील श्री महालक्ष्मीदेवीची करण्यात आलेली विशेष रूपातील पूजा !