हिंदु जनजागृती समितीच्‍या वतीने आयोजित ‘बागेश्‍वर धाम’चे पंडित धीरेंद्र शास्‍त्री यांना का लक्ष्य केले जात आहे ?’, या विषयावर ‘ऑनलाईन’ विशेष संवाद
मुंबई – ‘बागेश्‍वर धाम’चे पंडित धीरेंद्र शास्‍त्री धर्मांतरित झालेल्‍यांना पुन्‍हा हिंदु धर्मात आणण्‍याचे कार्य करत आहेत. त्‍यामुळे एका षड्‍यंत्राद्वारे पंडित धीरेंद्र शास्‍त्री यांची प्रतिमा डागाळण्‍याचा प्रयत्न केला जात आहे. फक्‍त पंडित धीरेंद्र शास्‍त्रीच नव्‍हे, तर हिंदु धर्म आणि साधूसंत यांना अपकीर्त करण्‍याचे फार मोठे षड्‌यंत्र राष्‍ट्रीय स्‍तरावर राबवले जात आहे. अंधश्रद्धा निर्मूलन समितीचे शाम मानव, साम्‍यवादी आणि काँग्रेसचे काही लोक हिंदु धर्माचे कार्य बंद कसे होईल, यासाठी सुनियोजितपणे हे षड्‌यंत्र राबवत आहेत; मात्र हेच लोक राजरोसपणे चमत्‍कारांच्‍या नावे फसवणूक करून हिंदूंचे धर्मांतर करणारे ख्रिस्‍ती मिशनरी किंवा पाद्री यांना कधीही आव्‍हान देतांना दिसत नाहीत. त्‍यामुळे हिंदु धर्माला अपकीर्त करणार्‍यांना रोखण्‍यासाठी केंद्रशासनाने कठोर कायदा करावा, अशी मागणी नाशिक येथील ‘श्री काळाराम मंदिरा’चे आचार्य महामंडलेश्‍वर श्री महंत सुधीरदास महाराज यांनी केली आहे. हिंदु जनजागृती समितीच्‍या वतीने ‘बागेश्‍वर धामचे पंडित धीरेंद्र शास्‍त्री यांना का लक्ष्य केले जात आहे ?’, या विषयावर आयोजित ‘ऑनलाईन’ विशेष संवादात ते बोलत होते.
अंनिसवाले धीरेंद्र शास्‍त्री यांना खोट्या प्रचाराद्वारे अपकीर्त करत आहेत ! – सौ. स्नेहल जोशी, पत्रकार, सुदर्शन न्‍यूज
पंडित धीरेंद्र शास्‍त्री यांच्‍या नागपूर येथील कार्यक्रमाच्‍या पत्रकार परिषदेला मी ‘पत्रकार’ या नात्‍याने उपस्‍थित होते. या वेळी पंडित धीरेंद्र शास्‍त्रीजी यांनी ‘नागपूर येथील कार्यक्रम ५ ते ११ जानेवारीपर्यंत असणार’, असे घोषित केले होते आणि बागेश्‍वर धाम व्‍यवस्‍थापनाने ३ जानेवारी या दिवशी ‘ट्‍वीट’ करून याच दिनांकाची घोषणा केली होती; मात्र ‘काही त्रुटींमुळे पंडित धीरेंद्र शास्‍त्री यांचा नागपूर येथील कार्यक्रम ५ ते १३ जानेवारीपर्यंत असणार’, असे घोषितही झाले होते. समन्‍वयाच्‍या अभावामुळे आणि दिनांकामध्‍ये घोळ झाल्‍याचा अपलाभ उठवून अंनिसवाल्‍यांनी ‘धीरेंद्र शास्‍त्री आव्‍हान न स्‍वीकारता पळून गेले’, असे म्‍हणत प्रचार
हिंदूंची ‘घरवापसी’ करण्‍यास आरंभ केल्‍यापासून अंनिसवाल्‍यांचा पंडित धीरेंद्र शास्‍त्री यांना विरोध ! – रमेश शिंदे, राष्‍ट्रीय प्रवक्‍ते, हिंदु जनजागृती समिती
पंडित धीरेंद्र शास्‍त्री यांनी ख्रिस्‍ती मिशनर्‍यांनी बाटवलेल्‍या हिंदूंची ‘घरवापसी’ (पुन्‍हा स्‍वधर्मात घेणे) करण्‍यास प्रारंभ केल्‍यापासून ‘अंनिस’ने पंडित धीरेंद्र शास्‍त्री यांच्‍या कार्याला विरोध करण्‍यास प्रारंभ केला आहे. पंडित धीरेंद्र शास्‍त्री यांनी कुणाची फसवणूक किंवा कुणाचे शोषण केले आहे का ? श्रद्धा कि अंधश्रद्धा, हे सूत्र प्रत्‍येकाच्‍या श्रद्धेवर अवलंबून आहे. कोणत्‍याही विद्यापिठाची अधिकृत पदवी नसतांनाही स्‍वत:ला संमोहन उपचारतज्ञ म्‍हणवून घेणारे ‘अंनिस’चे शाम मानव लोकांची फसवणूक करत नाहीत का ?
संपादकीय भूमिकाकेवळ हिंदु धर्माला लक्ष्य करणारे अंनिसवाले इतर धर्मांतील अंधश्रद्धांविषयी बोलण्‍याचे धाडस करतील का ? |
कापूस पिकाची ‘व्यथा’ ! 
त्रिपुरारी पौर्णिमा
श्रवण आणि ऐकणे यांमुळे माणूस विद्वान होतो !
निवडणुकीचे घोषणापत्र आणि मतदारांची जागृती !
बंगाल आणि बांगलादेश येथील हिंदूंचे धर्मांतर अन् त्यांचा छळ यांचा इतिहास !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !