भायखळा आणि भिवंडी येथे ‘मराठी भाषा प्रशिक्षण केंद्र’ चालू करा ! – आमदार रईस शेख, समाजवादी पक्ष

मुंबई – समाजवादी पक्षाचे भिवंडी पूर्वचे आमदार रईस शेख यांनी राज्याचे मराठी भाषामंत्री उदय सामंत यांना पत्र लिहिले असून त्यामध्ये भिवंडी आणि भायखळा येथे मराठी भाषेचे प्रशिक्षणवर्ग चालू करावेत, अशी मागणी केली आहे. ‘इच्छुकांसाठी अल्पदरांमध्ये अल्प आणि दीर्घ अभ्यासक्रम चालू करावेत. प्रशिक्षण घेतल्यास प्रमाणपत्र द्यावे’, असे आमदार रईस शेख यांनी पत्रामध्ये म्हटले आहे. ‘या परिसरातील विद्यार्थी, युवक-युवती, कामगार आणि व्यावसायिक यांना मराठी शिकण्याची इच्छा आहे; मात्र त्यासाठी कोणतीही सोय नाही. मराठीवर सर्वांचा हक्क आहे’, असेही ते म्हणाले.