भाजप आमच्या आमदारांना खरेदी करण्याचा प्रयत्न करत आहे !

तेलंगाणाचे मुख्यमंत्री के. चंद्रशेखर राव यांचा आरोप

भाग्यनगर (तेलंगाणा) – भारत राष्ट्र समितीच्या २० ते ३० आमदारांच्या खरेदीचा प्रयत्न भाजप करत आहे, असा आरोप राज्याचे मुख्यमंत्री के. चंद्रशेखर राव यांनी एका सभेमध्ये केला. या सभेमध्ये भारत राष्ट्र समितीचे ते ४ आमदारही उपस्थित होते, ज्यांना कथितरित्या खरेदी करण्यासाठी १०० कोटी रुपयांचे आमीष दाखवण्यात आले होते. नुकतेच त्यांना १५ कोटी रुपये देण्याचा प्रयत्न करणार्‍या तिघांना अटक करण्यात आली होती.

.@BJP4India trying to buy 20-30 TRS MLAs, ‘brokers’ from #Delhi offered Rs 100 crore each, alleges #Telangana CM K Chandrasekhar Rao https://t.co/F7NsaNc9As

— The Tribune (@thetribunechd) October 30, 2022

चंद्रशेखर राव म्हणाले की, देहलीच्या दलालांनी आमदारांची खरेदी करत सरकार पाडण्याचा प्रयत्न केला. तेलंगाणाच्या एका फार्महाऊसमध्ये आमच्या ४ आमदारांना १०० कोटी रुपयांचे आमीष दाखवले गेले; पण माझे आमदार विकले जाणार नाहीत. त्यांनी या षड्यंत्राविषयी पोलिसांना कळवले.