आर्त प्रार्थना ही गुरुचरणांसी ।

सर्व साधकांचा आधार असलेले सच्चिदानंद परब्रह्म डॉ. आठवले !

आर्त प्रार्थना ही गुरुचरणांसी ।
देई आश्रय
आपल्या चरणांशी ।। १ ।।

जीव गुंततो या संसारसागरी ।
देई कर मज
जाण्या पैलतिरी ।। २ ।।

माझी ही अल्प बुद्धी ।
ओळखत नाही
तुझ्या रूपासी ।। ३ ।।

साधकांच्या रूपातूनी ।
असता तुम्ही माझ्या संगती ।। ४ ।।

‘आपल्या चरणांविना नाही मुक्ती’ ।
हीच जाणीव राहो मम हृदयी ।। ५ ।।

माझी पापे अनंत असती ।
याच जन्मी त्यातून मिळावी मुक्ती ।। ६ ।।

षड्रिपूंचे ओझे शिरावरी ।
त्याचे निर्मूलन करण्या द्यावी मज शक्ती ।। ७ ।।

नसे माझे काही या जगती ।
तुम्हीच आहात माझे सर्वस्व ।। ८ ।।

तव चरणांची धूळ बनूनी ।
रहावे वाटे सर्वस्व अर्पूनी ।। ९ ।।

‘तूच उद्धरी या जिवासी’ ।
हीच प्रार्थना तव चरणांसी ।। १० ।।

– वैद्या (सौ.) मुक्ता लोटलीकर, पुणे (१९.७.२०२१)

या कवितेत प्रसिद्ध करण्यात आलेल्या अनुभूती या भाव तेथे देव या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक