सनातन प्रभात > Post Type > बातम्या > राष्ट्रीय बातम्या > ‘आदिपुरुष’ चित्रपटाला प्रदर्शित होऊ देणार नाही ! – विहिंपची चेतावणी

‘आदिपुरुष’ चित्रपटाला प्रदर्शित होऊ देणार नाही ! – विहिंपची चेतावणी

नवी देहली – रामायणावर आधारित ‘आदिपुरुष’ या चित्रपटांमध्ये रावण, हनुमान आदी व्यक्तीपुरुषांना चुकीच्या पद्धतीने दाखवण्यात आल्याने त्याचा आता सर्वच स्तरांतून विरोध केला जात आहे. आता या चित्रपटाचा विश्‍व हिंदु परिषदेनेही विरोध केला आहे. ‘हा चित्रपट चित्रपटगृहांमध्ये चालू देणार नाही’, अशी चेतावणी दिली आहे. जानेवारी २०२३ मध्ये हा चित्रपट प्रदर्शित होणार आहे.

संभल (उत्तरप्रदेश) येथील विहिंपचे विभाग प्रचार प्रमुख अजय शर्मा यांनी म्हटले की, चित्रपटांमध्ये हिंदूंच्या आदर्शांना चुकीच्या पद्धतीने दाखवणे ही धर्माची थट्टा आहे. सेन्सॉर बोर्ड दायित्वशून्य काम करत आहे. बोर्ड त्याच्या कर्तव्यांचे पालन करत नाही. त्यामुळे सरकारने त्याला विसर्जित केले पाहिजे.

नूतन लेख