गुजरातमध्ये ख्रिस्त्यांनी देवीचे प्राचीन मंदिर पाडून बनवले ‘मरियम माता टेम्पल’ !

नवरात्रीत हिंदु पूजेसाठी गेले असता ख्रिस्त्यांनी दगड आणि लाठ्या आणून हिंदूंना केला विरोध !

कर्णावती (गुजरात) – राज्यातील तापी जिल्ह्यात असलेल्या सोनगड तालुक्यातील बंदरपाडा या गावी स्थानिक ख्रिस्त्यांनी तेथील हिंदूंचे प्राचीन मंदिर पाडून तेथे चर्च उभारले आहे. चर्चला ‘मरियम मातेचे मंदिर’ असे नाव देण्यात आले आहे. २ ऑक्टोबरला हिंदू त्या ठिकाणी देवीची पूजा करण्यासाठी गेले असता ख्रिस्त्यांनी हातात दगड आणि लाठ्या घेऊन हिंदूंना तेथे पूजा करण्यापासून मज्जाव केला. (हिंदूंना त्यांच्याच देशात पूजा-अर्चा करू न द्यायला हा भारत आहे कि इटली, इंग्लंड अथवा अमेरिका यांच्यासारखा ख्रिस्ती देश ? – संपादक)

१. येथे ‘गिधमाडी आया डूंगर माता’ नावाचे देवीचे प्राचीन मंदिर होते. तेथे स्थानिक हिंदू पूजेसाठी प्रतिदिन जात असत. हे मंदिर येथील एका डोंगरावर होते.

२. कालपरत्वे या क्षेत्रात ख्रिस्त्यांची लोकसंख्या वाढत गेल्याने मंदिरात जाण्याचे हिंदूंचे प्रमाण न्यून होत गेले. याचा अपलाभ उठवत ख्रिस्त्यांनी मंदिर पाडून तेथे चर्च उभारले.

३. नवरात्रीसाठी जेव्हा हिंदू प्राचीन मंदिरात पोचले, तेव्हा ख्रिस्त्यांनी तेथे येऊन हिंदूंना विरोध केला.

४. ‘ऑपइंडिया’ या हिंदुत्वनिष्ठ वृत्तसंकेतस्थळाशी बोलतांना स्थानिक हिंदु नेते दिनेशभाई गामित म्हणाले की, मंदिरात पूजा करण्यासाठी जात असतांना ख्रिस्त्यांनी आम्हा हिंदूंना तेथे जाण्यापासून रोखले, तसेच पुजार्‍यावर हात उगारला. तसेच देवीसाठी बनवलेला नैवेद्य खराब करण्याचाही प्रयत्न केला. पोलीस वेळेत घटनास्थळी उपस्थित झाल्याने परिस्थिती नियंत्रणात आली.

५. स्थानिक हिंदूंनी दिलेल्या माहितीनुसार हिंदू या मंदिरात शेकडो वर्षांपासून पूजा करत आले आहेत; परंतु गेल्या काही वर्षांपासून येथे ख्रिस्त्यांनी मोठ्या प्रमाणात धर्मांतर केल्याने बहुतांश हिंदू ख्रिस्ती झाले. येथे ९८ टक्के लोक ख्रिस्ती झाले असून हिंदू अल्पसंख्य झाले आहेत. त्यामुळे येथील हिंदू या विरोधात आवाज उठवू शकत नाहीत. गेल्या अनेक वर्षांपासून येथील सरपंच आणि स्थानिक राजकारण यांच्यावर ख्रिस्त्यांचा प्रभाव राहिला आहे.

Gujarat: Ancient Hindu temple in Tapi demolished to build a Church, Hindus prohibited from offering prayershttps://t.co/ZFAIvBIQHm

— OpIndia.com (@OpIndia_com) October 3, 2022