मुंबई – आयकर विभागाचे अधिकारी असल्याचे खोटे सांगून ४० जणांची फसवणूक केल्याप्रकरणी रिंकू जीतू शर्मा (वय ३३ वर्षे) याच्या विरोधात मुंबई पोलिसांनी गुन्हा नोंद केला आहे. बेरोजगारांना आयकर विभागात उच्च पदांवर नोकर्या देण्याचे आश्वासन देऊन त्याने दोन कोटी रुपये उकळले. आयकर विभागात अधिकारी असल्याचे खोटे सांगणार्याला नवी मुंबईतील तळोजा परिसरातून कह्यात घेण्यात आले. आरोपीला १३ जानेवारीपर्यंत पोलीस कोठडी सुनावण्यात आली आहे.
पोलिसांनी त्याच्याकडून २८ बनावट (खोटी) ओळखपत्रे जप्त केली आहेत. यामध्ये आयकर विभागाचे साहाय्यक आयुक्त, गृह विभागाचे साहाय्यक आयुक्त आणि सीबीआय विभागाचे पोलीस आयुक्त अशा पदांच्या बनावट ओळखपत्रांचा समावेश आहे. त्याच्याकडून बनावट शिक्के, नियुक्ती पत्र आणि लेटर हेडसह इतर कागदपत्रेही जप्त करण्यात आली आहेत.
काय आहे प्रकरण ?
१२ डिसेंबर २०२४ रोजी तक्रारदाराने पेल्हार पोलीस ठाण्यात तक्रार दिली होती. आयकर आयुक्त असल्याचे भासवून तक्रारदाराच्या मुलीला प्राप्तीकर विभागात नोकरी लावण्यासाठी फसवले होते. १५ लाख रुपये उकळल्यानंतर त्यांनी बनावट नियुक्तीपत्र आणि ओळखपत्र दिले. मुलीला नोकरी न मिळाल्याने फसवणूक उघडकीस आली.
संपादकीय भूमिकाअशा प्रकारे फसवणूक करणार्यांवर कठोर कारवाई केल्यासच असे प्रकार न्यून होतील ! |
एन्.एम्.एम्.टी.च्या इलेक्ट्रिक बसला आग
श्री महालक्ष्मीदेवी मंदिराच्या जतन-संवर्धन कामात भारतीय पुरातत्वीय निकष आणि शास्त्रोक्त संवर्धन पद्धती यांचे काटेकोर पालन व्हावे ! – सकल हिंदु समाजाचे निवेदन
सोलापूर येथील वैष्णवी मंदिर परिसरातील महाकाय वटवृक्ष आगीपासून वाचला !
पुणे येथे अधिवक्ता एस्.के. जैन यांना ‘जीवन गौरव पुरस्कार’ !
पानशेत (पुणे) पूरग्रस्त सोसाट्यांचे प्रश्न ६५ वर्षांनंतरही प्रलंबित !
हडपसर येथे हिंदुत्वनिष्ठ कार्यकर्त्याला साहिल शेख आणि त्याच्या टोळीकडून बेदम मारहाण !