राज ठाकरे यांच्याकडून बाळासाहेब ठाकरे यांच्या भोंग्यांविषयीच्या भाषणाचा जुना व्हिडिओ प्रसारित !

मुंबई, ४ मे (वार्ता.) – ‘ज्या दिवशी माझे शासन महाराष्ट्रात येईल, तेव्हा रस्त्यावरील नमाज आम्ही बंद केल्याविना रहाणार नाही. धर्म असा असावा की, तो राष्ट्र विकासाच्या आड येता कामा नये. लोकांना त्याचा उपद्रव होता कामा नये. आमच्या हिंदु धर्माचा जर कुणाला उपद्रव होत असेल, तर मला येऊन सांगावे. आम्ही त्याचा बंदोबस्त करायला सिद्ध आहोत.

pic.twitter.com/S0t3vi9X48

— Raj Thackeray (@RajThackeray) May 4, 2022

मशिदींवरचे ध्वनीक्षेपक खाली येतील’, अशी चेतावणी देणारा हिंदुहृदयसम्राट बाळासाहेब ठाकरे यांचा जुना व्हिडिओ ४ मे या दिवशी मनसेचे अध्यक्ष राज ठाकरे यांनी त्यांच्या ट्विटरवरून प्रसारित केला. याद्वारे राज ठाकरे यांनी शिवसेनेला भोंग्यांविषयी बाळासाहेब ठाकरे यांच्याप्रमाणे भूमिका घेण्याचे आवाहन केले.