भाग्यवान आम्ही लाभले ऐसे सद्गुरु आम्हासी ।

उद्या होळी पौर्णिमा (१७ मार्च २०२२) या दिवशी सद्गुरु (सुश्री (कु.)) स्वाती खाडये यांचा वाढदिवस आहे. त्या निमित्ताने…

तोडूनी भवपाश नेतसे आम्हा विष्णुलोकी ।
बनूनी आमुची जननी अर्पिते आम्हा श्रीविष्णुचरणी ।।
भावभक्तीची शिदोरी सोबत बांधोनिया देतसे ।
भाग्यवान आम्ही लाभले ऐसे सद्गुरु आम्हासी ।। १ ।।

म्हणतसे बाळा,
तुझे हृदयी भगवंत वास करी ।
उघडूनी ज्ञानचक्षू दर्शन घे सत्वरी ।।
घाल लोटांगण, वंदन कर चरण ।
भावभक्तीने कर चरणपूजन ।।
समर्पणाचे दे दृढ आलिंगन ।
हेच तुझे सर्वस्व आहे जाण ।।
वाट दावण्या आम्हा सदैव तत्पर, भान नसे कष्टाचेही ।
भाग्यवान आम्ही लाभले ऐसे सद्गुरु आम्हासी ।। २ ।।

प्रीती अशी ही मायमाऊलीची ।
प्रेरणा नित्य देती भगवंताला अनुभवण्याची ।
निष्ठा, श्रद्धा अन् समर्पणाने गुरुसेवेची धडपड जागवी ।
सर्वांवरी निरपेक्ष प्रीती करूनी ।
सदैव आम्हा आनंदी करती ।
सद्गुरु ताई, तुमच्या छायेखाली निश्चिंत आहो आम्ही ।। ३ ।।

माऊली, तुमच्या चरणी कृतज्ञता या अज्ञानी लेकरांची ।
आतूर झालो तव चरणी लीन होण्यास ।।
द्या आशिष आम्हा श्री गुरुचरणी एकरूप होण्यास ।। ४ ।।

– सौ. अर्पिता देशपांडे, सनातन आश्रम, मिरज. (२८.३.२०२१)